وعدۂ وصل یار نے مارا — افقر موہانی
شاعر
وعدۂ وصل یار نے مارا
وعدۂ وصل یار نے مارا
شدت انتظار نے مارا
منفعل ہو کے یار نے مارا
شکوۂ بار بار نے مارا
نہ چھپا راز دل مگر نہ چھپا
دیدۂ اشک بار نے مارا
بن کے تقدیر راہ غربت میں
جنبش چشم یار نے مارا
وعدۂ بے وفا وفا نہ ہوا
مجھ کو اس اعتبار نے مارا
صدقے دل ایسی رازداری پر
جس کو ہو رازدار نے مارا
غمزۂ جانستاں معاذ اللہ
شوخیٔ حسن یار نے مارا
بڑھ گیا اور بھی جنوں افقرؔ
آ کے فصل بہار نے مارا
Vaada-e-vasl-e-yaar ne maara
Vaada-e-vasl-e-yaar ne maara
Shiddat-e-intezaar ne maara
Munfa'il ho ke yaar ne maara
Shikwa-e-baar baar ne maara
Na chhupa raaz-e-dil magar na chhupa
Deeda-e-ashk-baar ne maara
Ban ke taqdeer-e-raah-e-ghurbat mein
Jumbish-e-chashm-e-yaar ne maara
Vaada-e-bewafa wafa na hua
Mujh ko is aitibaar ne maara
Sadqe dil aisi raazdaari par
Jis ko ho raaz-daar ne maara
Ghamza-e-jaanstaan ma'az-Allah
Shokhi-e-husn-e-yaar ne maara
Badh gaya aur bhi junoon Afqar
Aa ke fasl-e-bahaar ne maara
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں