وحشت میں کوئی کار نمایاں نہ کر سکے — افقر موہانی
شاعر
وحشت میں کوئی کار نمایاں نہ کر سکے
وحشت میں کوئی کار نمایاں نہ کر سکے
دامن کو جیب جیب کو داماں نہ کر سکے
درد دروں کا وہ بھی تو درماں نہ کر سکے
دشواریٔ حیات کو آساں نہ کر سکے
تر خون دل سے ناوک جاناں نہ کر سکے
ہم اتنی بھی تو خاطر مہماں نہ کر سکے
کچھ ایسے جلد ختم ہوئے زندگی کے دن
ہم اعتبار عمر گریزاں نہ کر سکے
دریا میں غرق دیکھنے والے بھی ہو گئے
مجھ کو مگر حوالۂ طوفاں نہ کر سکے
جلووں کو دیکھتی رہی میری نگاہ شوق
کچھ بھی حریم ناز کے درباں نہ کر سکے
رہتے ہوئے قفس میں زمانہ گزر گئے
ترک خیال سیر گلستاں نہ کر سکے
سو حشر انتظار میں ہم پر گزر گئے
اور آئی ایک حشر کا ساماں نہ کر سکے
وہ سخت جان تھے کہ زمانے کے حادثات
شیرازۂ حیات پریشاں نہ کر سکے
ہم ایسے جا کے بے خود احساس ہو گئے
اندازۂ کشاکش زنداں نہ کر سکے
بدنام کر دیا مجھے افقرؔ زمانے میں
اخفائے راز دیدۂ گریاں نہ کر سکے
Wahshat mein koi kaar-e-numayan na kar sake
Wahshat mein koi kaar-e-numayan na kar sake
Daman ko jeb, jeb ko daaman na kar sake
Dard-e-darooN ka woh bhi to darmaaN na kar sake
Dushwari-e-hayat ko aasaaN na kar sake
Tar khoon-e-dil se naawak-e-jaanaaN na kar sake
Hum itni bhi to khaatir-e-mehmaaN na kar sake
Kuchh aise jald khatm hue zindagi ke din
Hum aitbaar-e-umr-e-gurezaaN na kar sake
Darya mein gharq dekhne wale bhi ho gaye
Mujh ko magar hawala-e-toofaaN na kar sake
JalwoN ko dekhti rahi meri nigah-e-shauq
Kuchh bhi hareem-e-naaz ke darbaaN na kar sake
Rehte hue qafas mein zamana guzar gaye
Tark-e-khayal-e-sair-e-gulistaaN na kar sake
Sau hashr intizar mein hum par guzar gaye
Aur aaye ek hashar ka saamaaN na kar sake
Woh sakht-jaan the ke zamane ke hadsaat
Shiraza-e-hayat pareshan na kar sake
Hum aise ja ke bekhud ehsaas ho gaye
Andaza-e-kashakash-e-zindaaN na kar sake
Badnam kar diya mujhe Afqar zamane mein
Ikhfa-e-raaz dida-e-giryaaN na kar sake
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں