وہ امنگیں نہیں اب وہ دل ناشاد نہیں — افقر موہانی
شاعر
وہ امنگیں نہیں اب وہ دل ناشاد نہیں
وہ امنگیں نہیں اب وہ دل ناشاد نہیں
واقعہ خواب سا کچھ یاد ہے کچھ یاد نہیں
کون سے ذرہ پہ دنیائے غم آباد نہیں
دل برباد ہمارا دل برباد نہیں
وہ ہو دنیا کہ لحد یا کہ ہو روز محشر
مبتلائے غم جاناں کہیں آزاد نہیں
تو جو سرگرم تماشا ہو دم مشق ستم
کس کو پھر شوق شہادت ستم ایجاد نہیں
پاس ہے ضبط محبت کا ستم گر ورنہ
اک نفس بھی مرا بیگانۂ فریاد نہیں
اب تو ہر سمت نظر آتے ہیں جلوے جلوے
بے خودی میں کوئی پردہ دل ناشاد نہیں
کاوش دام و قفس میرے لیے تھی گویا
ورنہ گلشن ہے وہی آج بھی صیاد نہیں
تابش حسن سے اک بے خودی چھائی پہلے
بعد اس کے ہوا پھر کیا یہ مجھے یاد نہیں
مر کے افقرؔ یہاں ملتی ہے حیات جاوید
آستاں یار کا ہے جنت شداد نہیں
Woh umangen nahin ab woh dil-e-nashad nahin
Woh umangen nahin ab woh dil-e-nashad nahin
Waqiya khwab sa kuchh yaad hai kuchh yaad nahin
Kaun se zarre pe duniya-e-gham abad nahin
Dil barbaad hamara dil barbaad nahin
Woh ho duniya ke lahad ya ke ho roz-e-mahshar
Mubtala-e-gham-e-jaanan kahin azad nahin
Tu jo sargarm-e-tamasha ho dam-e-mashq-e-sitam
Kis ko phir shauq-e-shahadat sitam-ijad nahin
Paas hai zabt-e-mahabbat ka sitamgar warna
Ek nafas bhi mera begana-e-fariyad nahin
Ab to har simt nazar aate hain jalwe jalwe
Be-khudi mein koi parda dil-e-nashad nahin
Kawish-e-daam-o-qafas mere liye thi goya
Warna gulshan hai wohi aaj bhi sayyad nahin
Tabish-e-husn se ek be-khudi chhai pehle
Baad is ke hua phir kya yeh mujhe yaad nahin
Mar ke Afqar yahan milti hai hayat-e-javed
Aastan-e-yaar ka hai jannat-e-shaddad nahin
شاعر کے بارے میں
افقر موہانی اردو کے ممتاز شاعر تھے جن کا اصل نام سید حسین اور تخلص افقر تھا۔ بعض مستند حوالوں میں ان کا تاریخی نام ظفر وارث بھی ملتا ہے۔ وہ13 جولائ...
مکمل تعارف پڑھیں