آنسو — اختر شیرانی
شاعر
آنسو
میرے پہلو میں جو بہہ نکلے تمہارے آنسو
بن گئے شام محبت کے ستارے آنسو
دیکھ سکتا ہے بھلا کون یہ پارے آنسو
میری آنکھوں میں نہ آ جائیں تمہارے آنسو
شمع کا عکس جھلکتا ہے جو ہر آنسو میں
بن گئے بھیگی ہوئی رات کے تارے آنسو
مینہ کی بوندوں کی طرح ہو گئے سستے کیوں آج
موتیوں سے کہیں مہنگے تھے تمہارے آنسو
صاف اقرار محبت ہو زباں سے کیوں کر
آنکھ میں آ گئے یوں شرم کے مارے آنسو
ہجر ابھی دور ہے میں پاس ہوں اے جان وفا
کیوں ہوئے جاتے ہیں بے چین تمہارے آنسو
صبح دم دیکھ نہ لے کوئی یہ بھیگا آنچل
میری چغلی کہیں کھا دیں نہ تمہارے آنسو
اپنے دامان و گریباں کو میں کیوں پیش کروں
ہیں مرے عشق کا انعام تمہارے آنسو
دم رخصت ہے قریب اے غم فرقت خوش ہو
کرنے والے ہیں جدائی کے اشارے آنسو
صدقے اس جان محبت کے میں اخترؔ جس کے
رات بھر بہتے رہے شوق کے مارے آنسو
Aansoo
Mere pehlu mein jo beh nikle tumhare aansoo
Ban gaye sham-e-mohabbat ke sitare aansoo
Dekh sakta hai bhala kaun yeh paare aansoo
Meri aankhon mein na aa jaen tumhare aansoo
Shama ka aks jhalkata hai jo har aansoo mein
Ban gaye bheegi hui raat ke tare aansoo
Meenah ki boondon ki tarah ho gaye saste kyun aaj
Motiyon se kahin mehnge the tumhare aansoo
Saaf iqrar-e-mohabbat ho zaban se kyun kar
Aankh mein aa gaye yun sharm ke mare aansoo
Hijr abhi door hai mein paas hoon ae jaan-e-wafa
Kyun hue jaate hain be chain tumhare aansoo
Subh-e-dam dekh na le koi yeh bheega aanchal
Meri chughli kahin kha dein na tumhare aansoo
Apne daman o gireban ko mein kyun pesh karoon
Hain mere ishq ka in'aam tumhare aansoo
Dam-e-rukhsat hai qareeb ae gham-e-furqat khush ho
Karne wale hain judai ke ishare aansoo
Sadqe us jaan-e-mohabbat ke mein Akhtar! jis ke
Raat bhar behte rahe shauq ke mare aansoo
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں