چڑیوں کی شکایت — اختر شیرانی
شاعر
چڑیوں کی شکایت
چڑیوں نے بے طرح ستایا ہے
میرے کمرے کو گھر بنایا ہے
چھت پہ ان کو جہاں ملی ہے جگہ
اک نہ اک گھونسلہ بنایا ہے
عین میرے پلنگ کے اوپر
ہے جو حصہ وہ ان کو بھایا ہے
تار بجلی کا ہے جو چھت پہ لگا
وہ تو میراث ہی میں پایا ہے
کوئی کھونٹی ہو طاق ہو در ہو
ان کی جاگیر میں وہ آیا ہے
سر پہ بیٹوں کا مینہ برستا ہے
بے ڈھب ایسا یہ ابر چھایا ہے
تکیہ پر میز پر کتابوں پر
مہر کا سا نشاں بنایا ہے
حصہ مجھ کو بھی کچھ ملا ہے ضرور
جب چڑا تنکے لے کر آیا ہے
ان کی چوں چوں کا راگ سن کر دل
گانا سننے سے تنگ آیا ہے
سب کے سر پر خدا کا ہے سایہ
مجھ پہ ان کے پروں کا سایہ ہے
اس قدر بیٹ کرتی ہیں کم بخت
ناک میں دم ہر ایک کا آیا ہے
صبح سے لڑ رہی ہیں آپس میں
سر پہ سارا مکان اٹھایا ہے
پڑھ نہیں سکتا لکھ نہیں سکتا
اس قدر شور و غل مچایا ہے
ایسا معلوم ہوتا ہے گویا
میرا کمرہ نہیں پرایا ہے
Chiriyon ki Shikayat
Chiriyon ne be-tarah sataya hai
Mere kamre ko ghar banaya hai
Chhat pe un ko jahan mili hai jagah
Ik na ik ghonsla banaya hai
Ain mere palang ke upar
Hai jo hissa woh un ko bhaaya hai
Taar bijli ka hai jo chhat pe laga
Woh to meeras hi mein paaya hai
Koi khoonti ho, taaq ho, dar ho
Un ki jagir mein woh aaya hai
Sar pe beeton ka meen barasta hai
Be-dhab aisa yeh abr chhaya hai
Takiye par, mez par, kitabon par
Mohr ka sa nishan banaya hai
Hissa mujh ko bhi kuchh mila hai zaroor
Jab chidha tinke le kar aaya hai
Un ki chon chon ka raag sun kar dil
Gaana sunne se tang aaya hai
Sab ke sar par khuda ka hai saya
Mujh pe un ke paron ka saya hai
Is qadar beet karti hain kambakht
Naak mein dam har ek ka aaya hai
Subah se lad rahi hain aapas mein
Sar pe saara makan uthaya hai
Padh nahin sakta, likh nahin sakta
Is qadar shor-o-ghul machaya hai
Aisa maloom hota hai goya
Mera kamra nahin paraya hai
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں