آؤ بے پردہ تمہیں جلوۂ پنہاں کی قسم — اختر شیرانی
شاعر
آؤ بے پردہ تمہیں جلوۂ پنہاں کی قسم
آؤ بے پردہ تمہیں جلوۂ پنہاں کی قسم
ہم نہ چھیڑیں گے ہمیں زلف پریشاں کی قسم
چاک داماں کی قسم چاک گریباں کی قسم
ہنسنے والے تجھے اس حال پریشاں کی قسم
میرے ارمان سے واقف نہیں شرمائیں گے آپ
آپ کیوں کھاتے ہیں ناحق مرے ارماں کی قسم
نیند آئے نہ کبھی تجھ سے بچھڑ کر ظالم
اپنی آنکھوں کی قسم تیرے شبستاں کی قسم
لب جاناں پہ فدا عارض جاناں کے نثار
شام رنگیں کی قسم صبح درخشاں کی قسم
آج تک صبح وطن یاد ہے ہم کو اخترؔ
درد ہجراں کی قسم شام غریباں کی قسم
Aao be-parda tumhein jalwa-e-pinhaan ki qasam
Aao be-parda tumhein jalwa-e-pinhaan ki qasam
Hum na chheRenge hamein zulf-e-pareshan ki qasam
Chak-e-damaan ki qasam chak-e-garebaan ki qasam
Hansne wale tujhe is haal-e-pareshan ki qasam
Mere armaan se waqif nahin sharmayenge aap
Aap kyun khate hain naahaq mere armaan ki qasam
Neend aaye na kabhi tujh se bichhaR kar zaalim
Apni aankhon ki qasam tere shabistan ki qasam
Lab-e-jaanan pe fida aariz-e-jaanan ke nisaar
Sham-e-rangeen ki qasam subh-e-darakhshan ki qasam
Aaj tak subh-e-watan yaad hai hum ko 'Akhtar'
Dard-e-hijraan ki qasam sham-e-ghareeban ki qasam
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں