آشنا ہو کر تغافل آشنا کیوں ہو گئے — اختر شیرانی
شاعر
آشنا ہو کر تغافل آشنا کیوں ہو گئے
آشنا ہو کر تغافل آشنا کیوں ہو گئے
باوفا تھے تم تو آخر بے وفا کیوں ہو گئے
اور بھی رہتے ابھی کچھ دن نظر کے سامنے
دیکھتے ہی دیکھتے ہم سے خفا کیوں ہو گئے
ان وفاداری کے وعدوں کو الٰہی کیا ہوا
وہ وفائیں کرنے والے بے وفا کیوں ہو گئے
کس طرح دل سے بھلا بیٹھے ہماری یاد کو
اس طرح پردیس جا کر بے وفا کیوں ہو گئے
تم تو کہتے تھے کہ ہم تجھ کو نہ بھولیں گے کبھی
بھول کر ہم کو تغافل آشنا کیوں ہو گئے
ہم تمہارا درد دل سن سن کے ہنستے تھے کبھی
آج روتے ہیں کہ یوں درد آشنا کیوں ہو گئے
چاند کے ٹکڑے بھی نظروں میں سما سکتے نہیں
کیا بتائیں ہم ترے در کے گدا کیوں ہو گئے
یہ جوانی یہ گھٹائیں یہ ہوائیں یہ بہار
حضرت اخترؔ ابھی سے پارسا کیوں ہو گئے
Aashna ho kar taghaful-aashna kyon ho gaye
Aashna ho kar taghaful-aashna kyon ho gaye
Bawafa the tum to akhir be-wafa kyon ho gaye
Aur bhi rehte abhi kuch din nazar ke saamne
Dekhte hi dekhte hum se khafa kyon ho gaye
In wafadaari ke waadon ko ilaahi kya hua
Woh wafayen karne wale be-wafa kyon ho gaye
Kis tarah dil se bhula baithe hamari yaad ko
Is tarah pardes ja kar be-wafa kyon ho gaye
Tum to kehte the ke hum tujh ko na bhoolein ge kabhi
Bhool kar hum ko taghaful-aashna kyon ho gaye
Hum tumhara dard-e-dil sun sun ke hanste the kabhi
Aaj rote hain ke yun dard-aashna kyon ho gaye
Chand ke tukde bhi nazron mein sama sakte nahin
Kya batayen hum tere dar ke gada kyon ho gaye
Ye jawaani ye ghaṭaayen ye hawayen ye bahaar
Hazrat Akhtar! abhi se parsa kyon ho gaye
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں