اگر اے نسیم سحر ترا ہو گزر دیار حجاز میں — اختر شیرانی
شاعر
اگر اے نسیم سحر ترا ہو گزر دیار حجاز میں
اگر اے نسیم سحر ترا ہو گزر دیار حجاز میں
مری چشم تر کا سلام کہنا حضور بندہ نواز میں
تمہیں حد عقل نہ پا سکی فقط اتنا حال بتا سکی
کہ تم ایک جلوۂ راز تھے جو عیاں تھا رنگ حجاز میں
عجب اک سرور سا چھا گیا میری روح و دل میں سما گیا
ترا نام ناز سے آ گیا مرے لب پہ جب بھی نماز میں
نہ جہاں میں راحت جاں ملی نہ متاع امن و اماں ملی
جو دوائے درد نہاں ملی تو ملی بہشت حجاز میں
کروں نذر نغمۂ جاں فزا میں کہاں سے اخترؔ غم نوا
کہ سوائے نالۂ غم نہیں مرے دل کے غم زدہ ساز میں
Agar aye naseem-e-sehar tera ho guzar diyar-e-hijaz mein
Agar aye naseem-e-sehar tera ho guzar diyar-e-hijaz mein
Meri chashm-e-tar ka salam kehna huzoor banda nawaz mein
Tumhein had-e-aql na paa saki faqat itna haal bata saki
Ke tum ek jalwa-e-raaz the jo ayan tha rang-e-hijaz mein
Ajab ek suroor sa chha gaya meri rooh o dil mein sama gaya
Tera naam naaz se aa gaya mere lab pe jab bhi namaz mein
Na jahan mein raahat-e-jaan mili na mataa-e-amn o amaan mili
Jo dawa-e-dard-e-nihan mili to mili bahisht-e-hijaz mein
Karoon nazr naghma-e-jaan-faza main kahan se 'Akhtar' gham nawa
Ke siwaye nala-e-gham nahin mere dil ke gham-zada saaz mein
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں