اے دل وہ عاشقی کے فسانے کدھر گئے — اختر شیرانی
شاعر
اے دل وہ عاشقی کے فسانے کدھر گئے
اے دل وہ عاشقی کے فسانے کدھر گئے
وہ عمر کیا ہوئی وہ زمانے کدھر گئے
ویراں ہیں صحن و باغ بہاروں کو کیا ہوا
وہ بلبلیں کہاں وہ ترانے کدھر گئے
ہے نجد میں سکوت ہواؤں کو کیا ہوا
لیلائیں ہیں خموش دوانے کدھر گئے
اجڑے پڑے ہیں دشت غزالوں پہ کیا بنی
سونے ہیں کوہسار دوانے کدھر گئے
وہ ہجر میں وصال کی امید کیا ہوئی
وہ رنج میں خوشی کے بہانے کدھر گئے
دن رات مے کدے میں گزرتی تھی زندگی
اخترؔ وہ بے خودی کے زمانے کدھر گئے
Aye dil woh aashiqi ke fasaane kidhar gaye
Aye dil woh aashiqi ke fasaane kidhar gaye
Woh umar kya hui woh zamane kidhar gaye
Veeran hain sehn-o-baagh baharon ko kya hua
Woh bulbulein kahan woh tarane kidhar gaye
Hai Najd mein sukoot hawaon ko kya hua
Lailayein hain khamosh deewane kidhar gaye
Ujde pade hain dasht ghazalon pe kya bani
Sone hain kohsar deewane kidhar gaye
Woh hijr mein visal ki umeed kya hui
Woh ranj mein khushi ke bahane kidhar gaye
Din raat maykade mein guzarti thi zindagi
Akhtar! Woh bekhudi ke zamane kidhar gaye
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں