بہار آئی ہے مستانہ گھٹا کچھ اور کہتی ہے — اختر شیرانی
شاعر
بہار آئی ہے مستانہ گھٹا کچھ اور کہتی ہے
بہار آئی ہے مستانہ گھٹا کچھ اور کہتی ہے
مگر ان شوخ نظروں کی حیا کچھ اور کہتی ہے
رہائی کی خبر کس نے اڑائی صحن گلشن میں
اسیران قفس سے تو صبا کچھ اور کہتی ہے
بہت خوش ہے دل ناداں ہوائے کوے جاناں میں
مگر ہم سے زمانے کی ہوا کچھ اور کہتی ہے
تو میرے دل کی سن آغوش بن کر کہہ رہا ہے کچھ
تری نیچی نظر تو جانے کیا کچھ اور کہتی ہے
مری جانب سے کہہ دینا صبا لاہور والوں سے
کہ اس موسم میں دہلی کی ہوا کچھ اور کہتی ہے
ہوئی مدت کے مے نوشی سے توبہ کر چکے اخترؔ
مگر دہلی کی مستانہ فضا کچھ اور کہتی ہے
Bahaar aayi hai mastana ghata kuch aur kehti hai
Bahaar aayi hai mastana ghata kuch aur kehti hai
Magar un shokh nazron ki haya kuch aur kehti hai
Rihaai ki khabar kis ne udaayi sahn-e-gulshan mein
Aseeran-e-qafas se to saba kuch aur kehti hai
Bahut khush hai dil-e-nadaa'n hawa-e-kue-e-jaanaan mein
Magar hum se zamane ki hawa kuch aur kehti hai
Tu mere dil ki sun aaghosh ban kar keh raha hai kuch
Teri neechi nazar to jaane kya kuch aur kehti hai
Meri jaanib se keh dena saba Lahore waalon se
Ke is mausam mein Delhi ki hawa kuch aur kehti hai
Hui muddat ke mai-noshi se tauba kar chuke Akhtar
Magar Delhi ki mastana fiza kuch aur kehti hai
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں