بجا کہ ہے پاس حشر ہم کو کریں گے پاس شباب پہلے — اختر شیرانی
شاعر
بجا کہ ہے پاس حشر ہم کو کریں گے پاس شباب پہلے
بجا کہ ہے پاس حشر ہم کو کریں گے پاس شباب پہلے
حساب ہوتا رہے گا یا رب ہمیں منگا دے شراب پہلے
فضائے شب ہنس کے جگمگائی وہ نازنیں صبح بن کے آئی
ہوا ہے روشن مرے شبستاں میں چاند سے آفتاب پہلے
زباں پہ آیا نہ حرف مطلب کہ کہہ گئیں کچھ شریر نظریں
سوال کرنے نہ پائے ہیں ہم کہ مل گیا ہے جواب پہلے
جناں میں پہلے پہل پیے گا تو لڑکھڑاتا پھرے گا زاہد
سرور کوثر کی ہے اگر دھن جہاں میں پی لے شراب پہلے
ہے خسرو عشق کا یہ فرماں کہ دل لگانا نہیں ہے آساں
جسے ہو کوئے بتاں کا ارماں وہ کو بہ کو ہو خراب پہلے
غم و الم رنج و یاس و حسرت اٹھاؤں گا سب کے رخ سے پردے
تمہیں قسم ہے دل حزیں کی اٹھاؤ تو تم نقاب پہلے
الٰہی وہ بوئے پیرہن سے بھی پہلے ہو ہمکنار آ کر
چمن میں ہوتا ہے جلوہ افروز پھول سے ماہتاب پہلے
یہ کس کے رنگ رخ بہاریں نے بخش دی ہے طراوت نو
شگفتہ ہوتا نہ تھا گلستاں میں اس ادا سے گلاب پہلے
نگاہ ساقی کی مسکرائی کہا جب اخترؔ نے اپنی دھن میں
پئیں گے پیتے رہیں گے میکش مگر یہ خانہ خراب پہلے
Baja ke hai paas hashr hum ko karein ge paas shabab pehle
Baja ke hai paas hashr hum ko karein ge paas shabab pehle
Hisab hota rahe ga ya Rab hamein manga de sharab pehle
Faza-e-shab hans ke jagmagayi woh nazneen subh ban ke aayi
Hua hai roshan mere shabistaan mein chand se aftab pehle
Zaban pe aaya na harf-e-matlab ke keh gayin kuch shareer nazrein
Sawal karne na paaye hain hum ke mil gaya hai jawab pehle
Janaan mein pehle pehal piye ga tu ladkhadata phire ga zahid
Suroor-e-kausar ki hai agar dhun jahan mein pee le sharab pehle
Hai Khusrao ishq ka ye farmaan ke dil lagana nahin hai aasan
Jise ho kuu-e-bataan ka armaan woh kuu ba kuu ho kharab pehle
Gham-o-alam ranj-o-yaas-o-hasrat uthaunga sab ke rukh se parde
Tumhein qasam hai dil-e-hazeen ki uthao to tum naqab pehle
Ilahi woh boo-e-pairahan se bhi pehle ho hamkanar aa kar
Chaman mein hota hai jalwa-afroz phool se mahtab pehle
Ye kis ke rang-e-rukh baharein ne bakhsh di hai tarawat-e-nau
Shagufta hota na tha gulistaan mein is ada se gulab pehle
Nigah-e-saqi ki muskurai kaha jab Akhtar ne apni dhun mein
Piyein ge peete rahein ge maikash magar ye khana kharab pehle
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں