بجھا سا رہتا ہے دل جب سے ہیں وطن سے جدا (ردیف .. ن) — اختر شیرانی
شاعر
بجھا سا رہتا ہے دل جب سے ہیں وطن سے جدا (ردیف .. ن)
بجھا سا رہتا ہے دل جب سے ہیں وطن سے جدا
وہ صحن باغ نہیں سیر ماہتاب نہیں
بسے ہوئے ہیں نگاہوں میں وہ حسیں کوچے
ہر ایک ذرہ جہاں کم ز آفتاب نہیں
وہ باغ و راغ کے دلچسپ و دل نشیں منظر
کہ جن کے ہوتے ہوئے خلد مثل خواب نہیں
وہ جوئبار رواں کا طرب فزا پانی
شراب سے نہیں کچھ کم اگر شراب نہیں
برنگ زلف پریشاں وہ موج ہائے رواں
کہ جن کی یاد میں راتوں کو فکر خواب نہیں
سما رہے ہیں نظر میں وہ مہوشان حرم
حرم میں جن کے ستارے بھی باریاب نہیں
وطن کا چھیڑ دیا کس نے تذکرہ اخترؔ
کہ چشم شوق کو پھر آرزوئے خواب نہیں
Bujha sa rehta hai dil jab se hain watan se juda (radeef .. n)
Bujha sa rehta hai dil jab se hain watan se juda
Woh sehn-e-bagh nahin sair-e-mahtab nahin
Base hue hain nigahon mein woh haseen kuche
Har ek zarra jahan kam za aftab nahin
Woh bagh-o-ragh ke dilchasp-o-dilnasheen manzar
Ke jin ke hote hue khuld misl-e-khwab nahin
Woh joye-baar-e-rawan ka tarab-faza pani
Sharab se nahin kuch kam agar sharab nahin
Barang-e-zulf-e-pareshan woh mauj haye rawan
Ke jin ki yaad mein raaton ko fikr-e-khwab nahin
Sama rahe hain nazar mein woh mahwoshan-e-haram
Haram mein jin ke sitare bhi baryab nahin
Watan ka chhed diya kis ne tazkira Akhtar
Ke chashm-e-shauq ko phir aarzoo-e-khwab nahin
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں