دریا کنارے چاندنی — اختر شیرانی
شاعر
دریا کنارے چاندنی
کیا چھا رہی ہے چاندنی
اٹھلا رہی ہے چاندنی
دریا کی اک اک لہر کو
نہلا رہی ہے چاندنی
لہرا رہی ہے چاندنی
دریا کنارے دیکھنا
پانی میں تارے دیکھنا
تاروں کو دامن میں لئے
کیا کیا نظارے دیکھنا
دکھلا رہی ہے چاندنی
ٹھنڈی ہوا خاموش ہے
اجلی فضا خاموش ہے
خاموش ہے سارا جہاں
ہر اک صدا خاموش ہے
اور چھا رہی ہے چاندنی
دیکھو سمے وہ دور کے
خیمے کھڑے ہیں نور کے
دریا کی نیلی سطح پر
کچھ پھول سے بلور کے
برسا رہی ہے چاندنی
اے لو وہ بدلی آ گئی
اور چاندنی پر چھا گئی
باہر نکلنے کے لئے
پھر آئی پھر کترا گئی
گھبرا رہی ہے چاندنی
لو رات کے منظر چلے
تارے بھی گھل گھل کر چلے
بیٹھے ہوئے یاں کیا کریں
اخترؔ ہم اپنے گھر چلے
اب جا رہی ہے چاندنی
Darya Kinare Chandni
Kya chha rahi hai chandni
Uthla rahi hai chandni
Darya ki ek ek lahar ko
Nahla rahi hai chandni
Lehra rahi hai chandni
Darya kinare dekhna
Pani mein tare dekhna
Taron ko daaman mein liye
Kya kya nazaare dekhna
Dikhla rahi hai chandni
Thandi hawa khamosh hai
Ujli faza khamosh hai
Khamosh hai sara jahan
Har ek sada khamosh hai
Aur chha rahi hai chandni
Dekho samay woh door ke
Khaime khade hain noor ke
Darya ki neeli satah par
Kuchh phool se billaur ke
Barsa rahi hai chandni
Aye lo woh badli aa gayi
Aur chandni par chha gayi
Bahar nikalne ke liye
Phir aayi phir katra gayi
Ghabra rahi hai chandni
Lo raat ke manzar chale
Tare bhi ghul ghul kar chale
Baithe hue yaan kya karein
Akhtar hum apne ghar chale
Ab ja rahi hai chandni
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں