دل دیوانہ و انداز بیباکانہ رکھتے ہیں — اختر شیرانی
شاعر
دل دیوانہ و انداز بیباکانہ رکھتے ہیں
دل دیوانہ و انداز بیباکانہ رکھتے ہیں
گدائے مے کدہ ہیں وضع آزادانہ رکھتے ہیں
مجھے مے خانہ تھراتا ہوا محسوس ہوتا ہے
وہ میرے سامنے شرما کے جب پیمانہ رکھتے ہیں
گھٹائیں بھی تو بہکی جا رہی ہیں ان اداؤں پر
چمن میں جو قدم رکھتے ہیں وہ مستانہ رکھتے ہیں
بظاہر ہم ہیں بلبل کی طرح مشہور ہرجائی
مگر دل میں گداز فطرت پروانہ رکھتے ہیں
جوانی بھی تو اک موج شراب تند و رنگیں ہے
برا کیا ہے اگر ہم مشرب رندانہ رکھتے ہیں
کسی مغرور کے آگے ہمارا سر نہیں جھکتا
فقیری میں بھی اخترؔ غیرت شاہانہ رکھتے ہیں
Dil deewanah-o-andaaz bebaakana rakhte hain
Dil deewanah-o-andaaz bebaakana rakhte hain
Gadaye mai-kade hain waz'a-e-aazadana rakhte hain
Mujhe mai-khana tharraata hua mehsoos hota hai
Woh mere saamne sharma ke jab paimana rakhte hain
Ghataein bhi to behki ja rahi hain in adaon par
Chaman mein jo qadam rakhte hain woh mastana rakhte hain
Ba-zahir hum hain bulbul ki tarah mashoor harjai
Magar dil mein gudaz-e-fitrat-e-parwana rakhte hain
Jawani bhi to ik mauj-e-sharab-e-tund-o-rangeen hai
Bura kya hai agar hum mashrab-e-rindana rakhte hain
Kisi maghroor ke aage hamara sar nahin jhukta
Faqeeri mein bhi Akhtar ghairat-e-shahana rakhte hain
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں