دل شکستہ حریف شباب ہو نہ سکا — اختر شیرانی
شاعر
دل شکستہ حریف شباب ہو نہ سکا
دل شکستہ حریف شباب ہو نہ سکا
یہ جام ظرف نواز شراب ہو نہ سکا
کچھ ایسے رحم کے قابل تھے ابتدا ہی سے ہم
کہ ان سے بھی ستم بے حساب ہو نہ سکا
نظر نہ آیا کبھی شب کو ان کا جلوۂ رخ
یہ آفتاب کبھی ماہتاب ہو نہ سکا
نگاہ فیض سے محروم برتری معلوم
ستارہ چمکا مگر آفتاب ہو نہ سکا
ہے جام خالی تو پھیکی ہے چاندنی کیسی
یہ سیل نور ستم ہے شراب ہو نہ سکا
یہ مے چھلک کے بھی اس حسن کو پہنچ نہ سکی
یہ پھول گھل کے بھی اس کا شباب ہو نہ سکا
کسی کی شوخ نوائی کا ہوش تھا کس کو
میں ناتواں تو حریف خطاب ہو نہ سکا
ہوں تیرے وصل سے مایوس اس قدر گویا
کبھی جہاں میں کوئی کامیاب ہو نہ سکا
وہ پوچھتے ہیں ترے دل کی آرزو کیا ہے
یہ خواب ہائے کبھی میرا خواب ہو نہ سکا
تلاش معنیٔ ہستی میں فلسفہ نہ خرد
یہ راز آج تلک بے حجاب ہو نہ سکا
شراب عشق میں ایسی کشش سی تھی اخترؔ
کہ لاکھ ضبط کیا اجتناب ہو نہ سکا
Dil-e-shikasta harif-e-shabaab ho nah saka
Dil-e-shikasta harif-e-shabaab ho nah saka
Yeh jaam-e-zarf-nawaaz sharaab ho nah saka
Kuch aise rahm ke qaabil the ibtida hi se hum
Ke un se bhi sitam be-hisaab ho nah saka
Nazar nah aaya kabhi shab ko un ka jalwa-e-rukh
Yeh aaftaab kabhi mahtaab ho nah saka
Nigah-e-faiz se mahroom bartari ma'loom
Sitaara chamka magar aaftaab ho nah saka
Hai jaam khaali to pheeki hai chaandni kaisi
Yeh sail-e-noor sitam hai sharaab ho nah saka
Yeh mai chhalak ke bhi us husn ko pahunch nah saki
Yeh phool ghul ke bhi us ka shabaab ho nah saka
Kisi ki shokh nawaai ka hosh tha kis ko
Main natavaan to harif-e-khitaab ho nah saka
Hoon tere vasl se mayus is qadar goya
Kabhi jahaan mein koi kaamyaab ho nah saka
Woh poochhte hain tere dil ki aarzoo kya hai
Yeh khwaab haaye kabhi mera khwaab ho nah saka
Talaash-e-ma'ni-e-hasti mein falsafa nah khirad
Yeh raaz aaj talak be-hijaab ho nah saka
Sharaab-e-ishq mein aisi kashish si thi Akhtar
Ke laakh zabt kiya ijtinaab ho nah saka
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں