دل میں خیال نرگس جانانہ آ گیا — اختر شیرانی
شاعر
دل میں خیال نرگس جانانہ آ گیا
دل میں خیال نرگس جانانہ آ گیا
پھولوں سے کھیلتا ہوا دیوانہ آ گیا
بادل کے اٹھتے ہی مے و پیمانہ آ گیا
بجلی کے ساتھ ساتھ پری خانہ آ گیا
مستوں نے اس ادا سے کیا رقص نو بہار
پیمانہ کیا کہ وجد میں مے خانہ آ گیا
اس چشم مئےفروش کی تاثیر کیا کہوں
ہونٹوں تک آج آپ ہی پیمانہ آ گیا
معلوم کس کو قیس کی دیوانگی کی شان
ہنگامہ سا بپا ہے کہ دیوانہ آ گیا
اخترؔ غضب تھی عہد جوانی کی داستاں
آنکھوں کے آگے ایک پری خانہ آ گیا
Dil mein khayal-e-nargis-e-jaanaana aa gaya
Dil mein khayal-e-nargis-e-jaanaana aa gaya
Phoolon se khelta hua deewana aa gaya
Baadal ke uthte hi mai o paimana aa gaya
Bijli ke saath saath pari-khanah aa gaya
Maston ne is ada se kiya raqs-e-nau-bahaar
Paimana kya ke wajd mein mai-khanah aa gaya
Us chashm-e-mai-farosh ki taaseer kya kahoon
Hontho'n tak aaj aap hi paimana aa gaya
Ma'loom kis ko Qais ki deewangi ki shaan
Hangama sa bapa hai ke deewana aa gaya
Akhtar ghazab thi ahd-e-jawani ki daastaan
Aankhon ke aage ek pari-khanah aa gaya
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں