غم زمانہ نہیں اک عذاب ہے ساقی — اختر شیرانی
شاعر
غم زمانہ نہیں اک عذاب ہے ساقی
غم زمانہ نہیں اک عذاب ہے ساقی
شراب لا مری حالت خراب ہے ساقی
شباب کے لیے توبہ عذاب ہے ساقی
شراب لا مجھے پاس شباب ہے ساقی
اٹھا پیالہ کہ گلشن پہ پھر برسنے لگی
وہ مے کہ جس کا قدح ماہتاب ہے ساقی
نکال پردۂ مینا سے دختر رز کو
گھٹا میں کس لئے یہ ماہتاب ہے ساقی
تو واعظوں کی نہ سن میکشوں کی خدمت کر
گنہ ثواب کی خاطر ثواب ہے ساقی
زمانے بھر کے غموں کو ہے دعوت غرا
کہ ایک جام میں سب کا جواب ہے ساقی
کلام جس کا ہے معراج حافظؔ و خیامؔ
یہی وہ اخترؔ خانہ خراب ہے ساقی
Gham-e-zamana nahin ek azaab hai saqi
Gham-e-zamana nahin ek azaab hai saqi
Sharaab la meri haalat kharaab hai saqi
Shabaab ke liye tauba azaab hai saqi
Sharaab la mujhe paas shabaab hai saqi
Utha pyaala ke gulshan pe phir barasne lagi
Woh mai ke jis ka qadah mahtaab hai saqi
Nikaal parda-e-meena se dukhtar-e-raz ko
Ghata mein kis liye yeh mahtaab hai saqi
Tu waaizon ki nah sun maikashon ki khidmat kar
Gunah sawaab ki khaatir sawaab hai saqi
Zamane bhar ke ghamon ko hai daawat-e-gharaan
Ke ek jaam mein sab ka jawaab hai saqi
Kalaam jis ka hai mi'raj-e-Haafiz o Khayyam
Yehi woh Akhtar khanah kharaab hai saqi
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں