ان رس بھری آنکھوں میں حیا کھیل رہی ہے — اختر شیرانی
شاعر
ان رس بھری آنکھوں میں حیا کھیل رہی ہے
ان رس بھری آنکھوں میں حیا کھیل رہی ہے
دو زہر کے پیالوں پہ قضا کھیل رہی ہے
ہیں نرگس و گل کس لیے مسحور تماشا
گلشن میں کوئی شوخ ادا کھیل رہی ہے
اس بزم میں جائیں تو یہ کہتی ہیں ادائیں
کیوں آئے ہو، کیا سر پہ قضا کھیل رہی ہے
اس چشم سیہ مست پہ گیسو ہیں پریشاں
میخانے پہ گھنگھور گھٹا کھیل رہی ہے
بد مستی میں تم نے انہیں کیا کہہ دیا اخترؔ
کیوں شوخ نگاہوں میں حیا کھیل رہی ہے
In ras bhari aankhon mein haya khel rahi hai
In ras bhari aankhon mein haya khel rahi hai
Do zahr ke pyalon pe qaza khel rahi hai
Hain nargis o gul kis liye mas-hoor-e-tamasha
Gulshan mein koi shokh ada khel rahi hai
Is bazm mein jaayen to ye kehti hain adayen
Kyon aaye ho, kya sar pe qaza khel rahi hai
Is chashm-e-siyah-mast pe gesoo hain pareshan
Mai-khane pe ghunghoor ghaṭa khel rahi hai
Bad-masti mein tum ne unhein kya keh diya Akhtar!
Kyon shokh nigaahon mein haya khel rahi hai
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں