اس مہ جبیں سے آج ملاقات ہو گئی — اختر شیرانی
شاعر
اس مہ جبیں سے آج ملاقات ہو گئی
اس مہ جبیں سے آج ملاقات ہو گئی
بے درد آسمان یہ کیا بات ہو گئی
آوارگان عشق کا مسکن نہ پوچھئے
پڑ رہتے ہیں وہیں پہ جہاں رات ہو گئی
ذکر شب وصال ہو کیا قصہ مختصر
جس بات سے وہ ڈرتے تھے وہ بات ہو گئی
مسجد کو ہم چلے گئے مستی میں بھول کر
ہم سے خطا یہ پیر خرابات ہو گئی
پچھلے غموں کا ذکر ہی کیا جب وہ مل گئے
اے آسماں تلافئ مافات ہو گئی
زاہد کو زندگی ہی میں کوثر چکھا دیا
رندوں سے آج یہ بھی کرامات ہو گئی
بے چین رکھنے والے پریشاں ہوں خود نہ کیوں
آخر کو تیری زلف مری رات ہو گئی
جھولا جھلائیں چل کے حسینوں کو باغ میں
گجرات میں سنا ہے کہ برسات ہو گئی
کیا فائدہ اب اخترؔ اگر پارسا بنے
جب ساری عمر نذر خرابات ہو گئی
Is mah-jabeen se aaj mulaqaat ho gayi
Is mah-jabeen se aaj mulaqaat ho gayi
Be-dard aasmaan yeh kya baat ho gayi
Aawargaan-e-ishq ka maskan na poochhiye
Pad rehte hain wahin pe jahan raat ho gayi
Zikr-e-shab-e-wisaal ho kya qissa mukhtasar
Jis baat se woh darte the woh baat ho gayi
Masjid ko hum chale gaye masti mein bhool kar
Hum se khata yeh peer-e-kharabaat ho gayi
Pichle ghamon ka zikr hi kya jab woh mil gaye
Aye aasmaan talaafi-e-maafaat ho gayi
Zahid ko zindagi hi mein Kausar chakhha diya
Rindon se aaj yeh bhi karamaat ho gayi
Be-chain rakhne wale pareshaan hon khud na kyun
Aakhir ko teri zulf meri raat ho gayi
Jhoola jhulaayen chal ke haseenon ko baagh mein
Gujarat mein suna hai ke barsaat ho gayi
Kya faayda ab 'Akhtar' agar parsa bane
Jab saari umar nazr-e-kharabaat ho gayi
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں