جھوم کر بدلی اٹھی اور چھا گئی — اختر شیرانی
شاعر
جھوم کر بدلی اٹھی اور چھا گئی
جھوم کر بدلی اٹھی اور چھا گئی
ساری دنیا پر جوانی آ گئی
آہ وہ اس کی نگاہ مے فروش
جب بھی اٹھی مستیاں برسا گئی
گیسوئے مشکیں میں وہ روئے حسیں
ابر میں بجلی سی اک لہرا گئی
عالم مستی کی توبہ الاماں
پارسائی نشہ بن کر چھا گئی
آہ اس کی بے نیازی کی نظر
آرزو کیا پھول سی کمھلا گئی
ساز دل کو گدگدایا عشق نے
موت کو لے کر جوانی آ گئی
پارسائی کی جوانمرگی نہ پوچھ
توبہ کرنی تھی کہ بدلی چھا گئی
اخترؔ اس جان تمنا کی ادا
جب کبھی یاد آ گئی تڑپا گئی
Jhoom kar badli uThi aur chhaa gayi
Jhoom kar badli uThi aur chhaa gayi
Saari duniya par jawani aa gayi
Aah woh us ki nigaah-e-mai-farosh
Jab bhi uThi mastiyan barsa gayi
Gesu-e-mushkeen mein woh rukh-e-haseen
Abr mein bijli si ek lehr aa gayi
Alam-e-masti ki tauba al-aman
Parsai nasha ban kar chhaa gayi
Aah us ki be-niyazi ki nazar
Aarzoo kya phool si kumhla gayi
Saaz-e-dil ko gudgudaya ishq ne
Maut ko le kar jawani aa gayi
Parsai ki jawan-margi na poochh
Tauba karni thi ke badli chhaa gayi
'Akhtar' us jaan-e-tamanna ki ada
Jab kabhi yaad aa gayi taRpa gayi
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں