کام آ سکیں نہ اپنی وفائیں تو کیا کریں — اختر شیرانی
شاعر
کام آ سکیں نہ اپنی وفائیں تو کیا کریں
کام آ سکیں نہ اپنی وفائیں تو کیا کریں
اس بے وفا کو بھول نہ جائیں تو کیا کریں
مجھ کو یہ اعتراف دعاؤں میں ہے اثر
جائیں نہ عرش پر جو دعائیں تو کیا کریں
اک دن کی بات ہو تو اسے بھول جائیں ہم
نازل ہوں دل پہ روز بلائیں تو کیا کریں
ظلمت بدوش ہے مری دنیائے عاشقی
تاروں کی مشعلے نہ چرائیں تو کیا کریں
شب بھر تو ان کی یاد میں تارے گنا کئے
تارے سے دن کو بھی نظر آئیں تو کیا کریں
عہد طرب کی یاد میں رویا کئے بہت
اب مسکرا کے بھول نہ جائیں تو کیا کریں
اب جی میں ہے کہ ان کو بھلا کر ہی دیکھ لیں
وہ بار بار یاد جو آئیں تو کیا کریں
وعدے کے اعتبار میں تسکین دل تو ہے
اب پھر وہی فریب نہ کھائیں تو کیا کریں
ترک وفا بھی جرم محبت سہی مگر
ملنے لگیں وفا کی سزائیں تو کیا کریں
Kaam aa sakein na apni wafayein to kya karein
Kaam aa sakein na apni wafayein to kya karein
Is bewafa ko bhool na jaayen to kya karein
Mujh ko yeh aiteraf duaon mein hai asar
Jaayen na arsh par jo duayein to kya karein
Ik din ki baat ho to use bhool jaayen hum
Nazil hon dil pe roz balayein to kya karein
Zulmat badosh hai meri duniya-e-aashiqi
Taron ke mash'ale na churayein to kya karein
Shab bhar to unki yaad mein tare gina kiye
Tare se din ko bhi nazar aayein to kya karein
Ahd-e-tarab ki yaad mein roya kiye bahut
Ab muskura ke bhool na jaayen to kya karein
Ab jee mein hai ke unko bhula kar hi dekh lein
Woh baar baar yaad jo aayein to kya karein
Waade ke aitbaar mein taskeen-e-dil to hai
Ab phir wahi fareb na khayen to kya karein
Tark-e-wafa bhi jurm-e-mohabbat sahi magar
Milne lagein wafa ki sazayein to kya karein
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں