خیالستان ہستی میں اگر غم ہے خوشی بھی ہے — اختر شیرانی
شاعر
خیالستان ہستی میں اگر غم ہے خوشی بھی ہے
خیالستان ہستی میں اگر غم ہے خوشی بھی ہے
کبھی آنکھوں میں آنسو ہیں کبھی لب پر ہنسی بھی ہے
انہی غم کی گھٹاؤں سے خوشی کا چاند نکلے گا
اندھیری رات کے پردے میں دن کی روشنی بھی ہے
یوں ہی تکمیل ہوگی حشر تک تصویر ہستی کی
ہر اک تکمیل آخر میں پیام نیستی بھی ہے
یہ وہ ساغر ہے صہبائے خودی سے پر نہیں ہوتا
ہمارے جام ہستی میں سرشک بے خودی بھی ہے
Khayalistan-e-hasti mein agar gham hai khushi bhi hai
Khayalistan-e-hasti mein agar gham hai khushi bhi hai
Kabhi aankhon mein aansoo hain kabhi lab par hansi bhi hai
Inhi gham ki ghaTaon se khushi ka chand niklega
Andheri raat ke parde mein din ki roshni bhi hai
Yun hi takmeel hogi hashr tak tasveer-e-hasti ki
Har ek takmeel aakhir mein payaam-e-neesti bhi hai
Yeh woh saaghar hai sahba-e-khudi se pur nahin hota
Humare jaam-e-hasti mein sarshak-e-be-khudi bhi hai
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں