کس کی آنکھوں کا لیے دل پہ اثر جاتے ہیں — اختر شیرانی
شاعر
کس کی آنکھوں کا لیے دل پہ اثر جاتے ہیں
کس کی آنکھوں کا لیے دل پہ اثر جاتے ہیں
مے کدے ہاتھ بڑھاتے ہیں جدھر جاتے ہیں
دل میں ارمان وصال آنکھ میں طوفان جمال
ہوش باقی نہیں جانے کا مگر جاتے ہیں
بھولتی ہی نہیں دل کو تری مستانہ نگاہ
ساتھ جاتا ہے یہ مے خانہ جدھر جاتے ہیں
پاسبانان حیا کیا ہوئے اے دولت حسن
ہم چرا کر تری دزدیدہ نظر جاتے ہیں
پرسش دل تو کجا یہ بھی نہ پوچھا اس نے
ہم مسافر کدھر آئے تھے کدھر جاتے ہیں
چشم حیراں میں سمائے ہیں یہ کس کے جلوے
طور ہر گام پہ رقصاں ہیں جدھر جاتے ہیں
جس طرح بھولے مسافر کوئی ساماں اپنا
ہم یہاں بھول کے دل اور نظر جاتے ہیں
کتنے بے درد ہیں اس شہر کے رہنے والے
راہ میں چھین کے دل کہتے ہیں گھر جاتے ہیں
اگلے وقتوں میں لٹا کرتے تھے رہرو اکثر
ہم تو اس عہد میں بھی لٹ کے مگر جاتے ہیں
فیض آباد سے پہنچا ہمیں یہ فیض اخترؔ
کہ جگر پر لیے ہم داغ جگر جاتے ہیں
Kis ki aankhon ka liye dil pe asar jaate hain
Kis ki aankhon ka liye dil pe asar jaate hain
Mai-kade haath baRhate hain jidhar jaate hain
Dil mein armaan-e-wisaal aankh mein toofan-e-jamaal
Hosh baaqi nahin jaane ka magar jaate hain
Bhoolti hi nahin dil ko teri mastaana nigaah
Saath jaata hai yeh mai-khana jidhar jaate hain
Pasbanan-e-haya kya hue ae daulat-e-husn
Hum chura kar teri duzdida nazar jaate hain
Pursish-e-dil to kuja yeh bhi na poocha us ne
Hum musafir kidhar aaye the kidhar jaate hain
Chashm-e-hairaan mein samaye hain yeh kis ke jalwe
Toor har gaam pe raqsaan hain jidhar jaate hain
Jis tarah bhoole musafir koi samaan apna
Hum yahan bhool ke dil aur nazar jaate hain
Kitne be-dard hain is shahr ke rehne wale
Raah mein chheen ke dil kehte hain ghar jaate hain
Agley waqton mein luTa karte the rehro aksar
Hum to is ahd mein bhi luT ke magar jaate hain
Faizabad se pahuncha hamein yeh faiz 'Akhtar'
Ke jigar par liye hum daagh-e-jigar jaate hain
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں