کس کو دیکھا ہے یہ ہوا کیا ہے — اختر شیرانی
شاعر
کس کو دیکھا ہے یہ ہوا کیا ہے
کس کو دیکھا ہے یہ ہوا کیا ہے
دل دھڑکتا ہے ماجرا کیا ہے
اک محبت تھی مٹ چکی یا رب
تیری دنیا میں اب دھرا کیا ہے
دل میں لیتا ہے چٹکیاں کوئی
ہائے اس درد کی دوا کیا ہے
حوریں نیکوں میں بٹ چکی ہوں گی
باغ رضواں میں اب رکھا کیا ہے
اس کے عہد شباب میں جینا
جینے والو تمہیں ہوا کیا ہے
اب دوا کیسی ہے دعا کا وقت
تیرے بیمار میں رہا کیا ہے
یاد آتا ہے لکھنؤ اخترؔ
خلد ہو آئیں تو برا کیا ہے
Kis ko dekha hai ye hua kya hai
Kis ko dekha hai ye hua kya hai
Dil dhaṛakta hai maajra kya hai
Ik mohabbat thi miṭ chuki ya Rabb
Teri duniya mein ab dhara kya hai
Dil mein leta hai chuṭkiyaan koi
Haaye is dard ki dawa kya hai
Hoorein nek-on mein baṭ chuki hongi
Bagh-e-Rizwan mein ab rakha kya hai
Us ke ahd-e-shabab mein jeena
Jeene walo tumhein hua kya hai
Ab dawa kaisi hai dua ka waqt
Tere beemar mein raha kya hai
Yaad aata hai Lucknow Akhtar!
Khuld ho aayen to bura kya hai
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں