مری آنکھوں سے ظاہر خوں فشانی اب بھی ہوتی ہے — اختر شیرانی
شاعر
مری آنکھوں سے ظاہر خوں فشانی اب بھی ہوتی ہے
مری آنکھوں سے ظاہر خوں فشانی اب بھی ہوتی ہے
نگاہوں سے بیاں دل کی کہانی اب بھی ہوتی ہے
سرور آرا شراب ارغوانی اب بھی ہوتی ہے
مرے قدموں میں دنیا کی جوانی اب بھی ہوتی ہے
کوئی جھونکا تو لاتی اے نسیم اطراف کنعاں تک
سواد مصر میں عنبر فشانی اب بھی ہوتی ہے
وہ شب کو مشک بو پردوں میں چھپ کر آ ہی جاتے ہیں
مرے خوابوں پر ان کی مہربانی اب بھی ہوتی ہے
کہیں سے ہاتھ آ جائے تو ہم کو بھی کوئی لا دے
سنا ہے اس جہاں میں شادمانی اب بھی ہوتی ہے
ہلال و بدر کے نقشے سبق دیتے ہیں انساں کو
کہ ناکامی بنائے کامرانی اب بھی ہوتی ہے
کہیں اغیار کے خوابوں میں چھپ چھپ کر نہ جاتے ہوں
وہ پہلو میں ہیں لیکن بدگمانی اب بھی ہوتی ہے
سمجھتا ہے شکست توبہ اشک توبہ کو زاہد
مری آنکھوں کی رنگت ارغوانی اب بھی ہوتی ہے
وہ برساتیں وہ باتیں وہ ملاقاتیں کہاں ہمدم
وطن کی رات ہونے کو سہانی اب بھی ہوتی ہے
خفا ہیں پھر بھی آ کر چھیڑ جاتے ہیں تصور میں
ہمارے حال پر کچھ مہربانی اب بھی ہوتی ہے
زباں ہی میں نہ ہو تاثیر تو میں کیا کروں ناصح
تری باتوں سے پیدا سرگرانی اب بھی ہوتی ہے
تمہارے گیسوؤں کی چھاؤں میں اک رات گزری تھی
ستاروں کی زباں پر یہ کہانی اب بھی ہوتی ہے
پس توبہ بھی پی لیتے ہیں جام غنچہ و گل سے
بہاروں میں جنوں کی مہمانی اب بھی ہوتی ہے
کوئی خوش ہو مری مایوسیاں فریاد کرتی ہیں
الٰہی کیا جہاں میں شادمانی اب بھی ہوتی ہے
بتوں کو کر دیا تھا جس نے مجبور سخن اخترؔ
لبوں پر وہ نوائے آسمانی اب بھی ہوتی ہے
Meri aankhon se zaahir khoon fishaani ab bhi hoti hai
Meri aankhon se zaahir khoon fishaani ab bhi hoti hai
Nigahon se bayan dil ki kahani ab bhi hoti hai
Saroor aara sharaab arghawani ab bhi hoti hai
Mere qadmon mein duniya ki jawani ab bhi hoti hai
Koi jhonka to laati ae naseem atraaf e Kanaan tak
Sawaad e Misr mein anbar fishaani ab bhi hoti hai
Woh shab ko mushk boo pardoun mein chhup kar aa hi jaate hain
Mere khwaabon par un ki meherbani ab bhi hoti hai
Kahin se haath aa jaye to hum ko bhi koi la de
Suna hai is jahaan mein shadmani ab bhi hoti hai
Hilaal o badr ke naqshe sabaq dete hain insaan ko
Ke nakaami banaye kaamraani ab bhi hoti hai
Kahin aghyaar ke khwaabon mein chhup chhup kar na jaate hon
Woh pehloo mein hain lekin badgumani ab bhi hoti hai
Samajhta hai shikast e tauba ashk e tauba ko zaahid
Meri aankhon ki rangat arghawani ab bhi hoti hai
Woh barsaaten woh baaten woh mulaqaten kahan hamdam
Watan ki raat hone ko suhani ab bhi hoti hai
Khafa hain phir bhi aa kar chheR jaate hain tasawwur mein
Humare haal par kuch meherbani ab bhi hoti hai
Zabaan hi mein na ho taseer to main kya karun naaseh
Teri baaton se paida sargiraani ab bhi hoti hai
Tumhare gesuon ki chhaaon mein ik raat guzri thi
Sitaaron ki zabaan par yeh kahani ab bhi hoti hai
Pas tauba bhi pee lete hain jaam e ghuncha o gul se
Bahaaron mein junoon ki mezbaani ab bhi hoti hai
Koi khush ho meri mayusiyan faryaad karti hain
Ilahi kya jahaan mein shadmani ab bhi hoti hai
Buton ko kar diya tha jis ne majboor e sukhan 'Akhtar'
Labon par woh nawa e aasmani ab bhi hoti hai
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں