مری شام غم کو وہ بہلا رہے ہیں — اختر شیرانی
شاعر
مری شام غم کو وہ بہلا رہے ہیں
مری شام غم کو وہ بہلا رہے ہیں
لکھا ہے یہ خط میں کہ ہم آ رہے ہیں
ٹھہر جا ذرا اور اے درد فرقت
ہمارے تصور میں وہ آ رہے ہیں
غم عاقبت ہے نہ فکر زمانہ
پئے جا رہے ہیں جئے جا رہے ہیں
نہیں شکوۂ تشنگی مے کشوں کو
وہ آنکھوں سے مے خانے برسا رہے ہیں
وہ رشک بہار آنے والا ہے اخترؔ
کنول حسرتوں کے کھلے جا رہے ہیں
Meri shaam-e-gham ko woh behla rahe hain
Meri shaam-e-gham ko woh behla rahe hain
Likha hai yeh khat mein ke hum aa rahe hain
Thehar ja zara aur ae dard-e-furqat
Humare tasawwur mein woh aa rahe hain
Gham-e-aaqibat hai na fikr-e-zamana
Piye ja rahe hain jiye ja rahe hain
Nahin shikwa-e-tishnagi mai-kashon ko
Woh aankhon se mai-khaane barsa rahe hain
Woh rashk-e-bahar aane wala hai 'Akhtar'
Kanwal hasraton ke khule ja rahe hain
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں