نہ بھول کر بھی تمنائے رنگ و بو کرتے — اختر شیرانی
شاعر
نہ بھول کر بھی تمنائے رنگ و بو کرتے
نہ بھول کر بھی تمنائے رنگ و بو کرتے
چمن کے پھول اگر تیری آرزو کرتے
جناب شیخ پہنچ جاتے حوض کوثر تک
اگر شراب سے مے خانے میں وضو کرتے
مسرت آہ تو بستی ہے کن ستاروں میں
زمیں پہ عمر ہوئی تیری جستجو کرتے
ایاغ بادہ میں آ کر وہ خود چھلک پڑتا
گر اس کے مست ذرا اور ہاؤ ہو کرتے
انہیں مفر نہ تھا اقرار عشق سے لیکن
حیا کو ضد تھی کہ وہ پاس آبرو کرتے
پکار اٹھتا وہ آ کر دلوں کی دھڑکن میں
ہم اپنے سینے میں گر اس کی جستجو کرتے
غم زمانہ نے مجبور کر دیا ورنہ
یہ آرزو تھی کہ بس تیری آرزو کرتے
گراں تھا ساقی دوراں پہ ایک ساغر بھی
تو کس امید پہ ہم خواہش سبو کرتے
جنون عشق کی تاثیر تو یہ تھی اخترؔ
کہ ہم نہیں وہ خود اظہار آرزو کرتے
Na bhool kar bhi tamanna-e-rang o bu karte
Na bhool kar bhi tamanna-e-rang o bu karte
Chaman ke phool agar teri aarzoo karte
Janab-e-Shaikh pahunch jaate haud-e-kausar tak
Agar sharab se mai-khane mein wuzu karte
Masarrat aah tu basti hai kin sitaron mein
Zameen pe umr hui teri justaju karte
Ayaagh-e-bada mein aa kar woh khud chhalak padta
Gar us ke mast zara aur hao hoo karte
Unhein mafar na tha iqrar-e-ishq se lekin
Haya ko zid thi ke woh paas-e-abroo karte
Pukar uṭhta woh aa kar dilon ki dhaṛkan mein
Hum apne seene mein gar us ki justaju karte
Gham-e-zamana ne majboor kar diya warna
Ye aarzoo thi ke bas teri aarzoo karte
Giran tha saaqi-e-dauran pe ek saghar bhi
To kis umeed pe hum khwahish-e-suboo karte
Junoon-e-ishq ki taaseer to ye thi Akhtar!
Ke hum nahin woh khud izhar-e-aarzoo karte
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں