نہ چھیڑ زاہد ناداں شراب پینے دے — اختر شیرانی
شاعر
نہ چھیڑ زاہد ناداں شراب پینے دے
نہ چھیڑ زاہد ناداں شراب پینے دے
شراب پینے دے خانہ خراب پینے دے
ابھی سے اپنی نصیحت کا زہر دے نہ مجھے
ابھی تو پینے دے اور بے حساب پینے دے
میں جانتا ہوں چھلکتا ہوا گناہ ہے یہ
تو اس گناہ کو بے احتساب پینے دے
پھر ایسا وقت کہاں ہم کہاں شراب کہاں
طلسم دہر ہے نقش بر آب پینے دے
مرے دماغ کی دنیا کا آفتاب ہے یہ
ملا کے برف میں یہ آفتاب پینے دے
کسی حسینہ کے بوسوں کے قابل اب نہ رہے
تو ان لبوں سے ہمیشہ شراب پینے دے
سمجھ کے اس کو غفور الرحیم پیتا ہوں
نہ چھیڑ ذکر عذاب و ثواب پینے دے
جو روح ہو چکی اک بار داغدار مری
تو اور ہونے دے لیکن شراب پینے دے
شراب خانے میں یہ شور کیوں مچایا ہے
خموش اخترؔ خانہ خراب پینے دے
Na chhed zahid nadaan sharaab peene de
Na chhed zahid nadaan sharaab peene de
Sharaab peene de khana kharab peene de
Abhi se apni naseehat ka zehar de na mujhe
Abhi to peene de aur be-hisab peene de
Main jaanta hoon chhalkta hua gunaah hai yeh
Tu is gunaah ko be-ehtisab peene de
Phir aisa waqt kahan hum kahan sharaab kahan
Tilism-e-dahar hai naqsh bar aab peene de
Mere dimaagh ki duniya ka aaftab hai yeh
Mila ke barf mein yeh aaftab peene de
Kisi haseena ke bason ke qabil ab na rahe
To un labon se hamesha sharaab peene de
Samajh ke is ko Ghafoor-ur-Raheem peeta hoon
Na chhed zikr azaab o sawab peene de
Jo rooh ho chuki ek baar daaghdaar meri
To aur hone de lekin sharaab peene de
Sharaab khane mein yeh shor kyun machaya hai
Khamosh 'Akhtar' khana kharab peene de
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں