نہ ساز و مطرب نہ جام و ساقی نہ وہ بہار چمن ہے باقی — اختر شیرانی
شاعر
نہ ساز و مطرب نہ جام و ساقی نہ وہ بہار چمن ہے باقی
نہ ساز و مطرب نہ جام و ساقی نہ وہ بہار چمن ہے باقی
نگاہ شمع سحر کے پردے یہ نقشۂ انجمن ہے باقی
زمانہ گزرا وہ یاسمن بو جدا ہوئی ہمکنار ہو کر
مگر ابھی تک ہمارے پہلو میں نکہت یاسمن ہے باقی
بھلا چکی دل سے شام غربت ہر ایک نقشہ ہر ایک صورت
ہماری آنکھوں میں لیکن اب تک فروغ صبح وطن ہے باقی
زمانہ بدلا مٹی جوانی نہ وہ محبت نہ زندگانی
بس ایک بھولی سی یاد ہے جو برنگ داغ کہن ہے باقی
مٹا دئے بے ستون چرخ کہن نے شیریں لقا ہزاروں
مگر محبت کے لب پر اب بھی ترانۂ کوہکن ہے باقی
حباب آسا محیط ہستی میں جو ہے مٹنے کو بن رہا ہے
ہے انقلاب اک نمود ایسی جو زیر چرخ کہن ہے باقی
غم زمانہ کی سختیوں سے ہوئی ہے پامال طبع اخترؔ
نہ وہ نشاط کہن ہے باقی نہ وہ مذاق سخن ہے باقی
Nah saaz o mutrib nah jaam o saaqi nah woh bahaar-e-chaman hai baaqi
Nah saaz o mutrib nah jaam o saaqi nah woh bahaar-e-chaman hai baaqi
Nigah-e-shama-e-sehar ke parde yeh naqsha-e-anjuman hai baaqi
Zamane guzra woh yasmin-boo juda hui hum-kinaar ho kar
Magar abhi tak hamare pehlu mein nikhat-e-yasmin hai baaqi
Bhula chuki dil se shaam-e-ghurbat har ek naqsha har ek surat
Hamari aankhon mein lekin ab tak farogh-e-subh-e-watan hai baaqi
Zamane badla miti jawani nah woh mohabbat nah zindagani
Bas ek bhooli si yaad hai jo ba-rang-e-dagh-e-kuhan hai baaqi
Mita diye be-situn charkh-e-kuhan ne shiree'n-liqa hazaaron
Magar mohabbat ke lab par ab bhi tarana-e-kohkan hai baaqi
Hubaab aasa muhit-e-hasti mein jo hai mitne ko ban raha hai
Hai inqilaab ek namood aisi jo zer-e-charkh-e-kuhan hai baaqi
Gham-e-zamana ki sakhtiyon se hui hai paamaal tab-e-Akhtar
Nah woh nishaat-e-kuhan hai baaqi nah woh mazaq-e-sukhan hai baaqi
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں