نہ وہ خزاں رہی باقی نہ وہ بہار رہی — اختر شیرانی
شاعر
نہ وہ خزاں رہی باقی نہ وہ بہار رہی
نہ وہ خزاں رہی باقی نہ وہ بہار رہی
رہی تو میری کہانی ہی یادگار رہی
وہی نظر ہے نظر جو بایں ہمہ پستی
ستارہ گیر رہی کہکشاں شکار رہی
شب بہار میں تاروں سے کھیلنے والے
کسی کی آنکھ بھی شب بھر ستارہ بار رہی
تمام عمر رہا گرچہ میں تہی پہلو
بسی ہوئی مرے پہلو میں بوئے یار رہی
کوئی عزیز نہ ٹھہرا ہمارے دفن کے بعد
رہی جو پاس تو شمع سر مزار رہی
وہ پھول ہوں جو کھلا ہو خزاں کے موسم میں
تمام عمر مجھے حسرت بہار رہی
کبھی نہ بھولیں گی اس شب کی لذتیں اخترؔ
کہ میرے سینے پہ وہ زلف مشکبار رہی
Nah woh khizaan rahi baaqi nah woh bahaar rahi
Nah woh khizaan rahi baaqi nah woh bahaar rahi
Rahi to meri kahaani hi yaadgar rahi
Wahi nazar hai nazar jo baain hama pasti
Sitaara geer rahi kahkashaan shikaar rahi
Shab-e-bahaar mein taaron se khelne waale
Kisi ki aankh bhi shab bhar sitaara baar rahi
Tamaam umr raha garchi main tahi pehlu
Basi hui mere pehlu mein bu-e-yaar rahi
Koi azeez nah thehra hamaare dafn ke baad
Rahi jo paas to shama sar-e-mazaar rahi
Woh phool hoon jo khila ho khizaan ke mausam mein
Tamaam umr mujhe hasrat-e-bahaar rahi
Kabhi nah bhoolein gi us shab ki lazzatein Akhtar
Ke mere seene pe woh zulf-e-mushkbaar rahi
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں