ننھا قاصد — اختر شیرانی
شاعر
ننھا قاصد
ترا ننھا سا قاصد جو ترے خط لے کر آتا تھا
نہ تھا معلوم اسے کس طرح کے پیغام لاتا تھا
سمجھ سکتا نہ تھا وہ خط میں کیسے راز پنہاں ہیں
حروف سادہ میں کس حشر کے انداز پنہاں ہیں
اسے کیا علم ان رنگیں لفافوں میں چھپا کیا ہے
کسی مہوش کا ان کے بھیجنے سے مدعا کیا ہے
مگر مجھ کو خیال آتا تھا اکثر اس زمانے میں
کہ اس کی حیرت طفلی ہے کیوں گم اس فسانے میں
وہ با ایں کم سنی کیا یہ نہ دل میں سوچتا ہوگا
کہ باجی نے ہماری اپنے خط میں کیا لکھا ہوگا
اور آخر وہ اسی کو نامہ لکھ کر بھیجتی کیوں ہیں
کبھی بھیجا تو بھیجا لیکن اکثر بھیجتی کیوں ہیں
وہ پہلے سے زیادہ بھائی کو کیوں پیار کرتی ہیں
لفافہ دے کے لطف خاص کا اظہار کرتی ہیں
پھر ایسے اجنبی پر اس کی باجی مہرباں کیوں ہیں
اگر ہیں بھی تو گھر والوں سے یہ باتیں نہاں کیوں ہیں
اور اس کے شبہے کی اس سے بھی تو تائید ہوتی ہے
چھپا کر خط کو لے جانے کی کیوں تاکید ہوتی ہے؟
یہ نوخیز اجنبی جانے کہاں سے اکثر آتا ہے
جب آتا ہے تو باجی کی طرح خط لکھ کے لاتا ہے
عزیزوں کی طرح یہ کیوں مکاں میں آ نہیں سکتا
جب اس سے پوچھتا ہے وہ اسے سمجھا نہیں سکتا
کھلونے دے کر اس کو مسکرا دیتا ہے وہ اکثر
اور اک ہلکا سا تھپڑ بھی لگا دیتا ہے وہ اکثر
ترے قاصد کے یہ افکار دل کو گدگداتے تھے
اور اپنے بھولپن سے میرے جذبوں کو ہنساتے تھے
نہیں موقوف انہی ایام پر جب بھی خیال آیا
تصور تیرے بعد اس کا بھی نقشہ سامنے لایا
مگر آج اس طرح دیکھا ہے وہ نقش حسیں میں نے
کہ رکھ دی خاک حیرت پر محبت کی جبیں میں نے
وہی ننھا سا قاصد نوجواں ہو کر ملا مجھ کو
زمانے کے تغیر نے پریشاں کر دیا مجھ کو
جنون ابتدائے عشق نے کروٹ سی لی دل میں
پس از مدت یہ لے کے آ گئی پھر اپنے محمل میں
ترے قاصد سے ملتے وقت مجھ کو شرم آتی تھی
مگر اس کی نگاہوں میں شرارت مسکراتی تھی
شرارت کا یہ نظارہ مری حیرت کا ساماں تھا
کہ اس پردہ کے اندر تیرا راز عشق عریاں تھا
Nanha Qasid
Tera nanha sa qasid jo tere khat le kar aata tha
Na tha maloom use kis tarah ke paigham lata tha
Samajh sakta na tha woh khat mein kaise raaz-e-pinhan hain
Huroof-e-saada mein kis hashr ke andaaz-e-pinhan hain
Use kya ilm un rangeen lifafon mein chhupa kya hai
Kisi mahwash ka un ke bhejne se mudd'aa kya hai
Magar mujh ko khayal aata tha aksar is zamane mein
Ke us ki hairat-e-tifli hai kyun gum is fasane mein
Woh ba'ain kam sini kya yeh na dil mein sochta hoga
Ke baji ne hamari apne khat mein kya likha hoga
Aur akhir woh usi ko namah likh kar bhejti kyun hain
Kabhi bheja to bheja lekin aksar bhejti kyun hain
Woh pehle se ziyadah bhai ko kyun pyar karti hain
Lifafah de ke lutf-e-khas ka izhar karti hain
Phir aise ajnabi par us ki baji mehrban kyun hain
Agar hain bhi to ghar walon se yeh batein nihaan kyun hain
Aur us ke shubah ki us se bhi to ta'eed hoti hai
Chhupa kar khat ko le jane ki kyun ta'keed hoti hai?
Yeh nau-khez ajnabi jaane kahan se aksar aata hai
Jab aata hai to baji ki tarah khat likh ke lata hai
Azizon ki tarah yeh kyun makan mein aa nahin sakta
Jab us se poochhta hai woh use samjha nahin sakta
Khilone de kar us ko muskura deta hai woh aksar
Aur ik halka sa thappad bhi laga deta hai woh aksar
Tere qasid ke yeh afkar dil ko gudgudate the
Aur apne bholepan se mere jazbon ko hansate the
Nahin mauqoof unhi ayyam par jab bhi khayal aaya
Tasavvur tere baad us ka bhi naqsha samne laya
Magar aaj is tarah dekha hai woh naqsh-e-haseen mein ne
Ke rakh di khak-e-hairat par mohabbat ki jabeen mein ne
Woh nanha sa qasid naujawan ho kar mila mujh ko
Zamane ke taghayyur ne pareshan kar diya mujh ko
Junoon-e-ibtida-e-ishq ne karwat si li dil mein
Pas az muddat yeh le ke aa gai phir apne mahmil mein
Tere qasid se milte waqt mujh ko sharm aati thi
Magar us ki nigahon mein shararat muskurati thi
Shararat ka yeh nazara meri hairat ka samaan tha
Ke is parda ke andar tera raaz-e-ishq uryaan tha
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں