ساون کی گھٹا — اختر شیرانی
شاعر
ساون کی گھٹا
مسکراتی ہوئی آتی ہے گھٹا ساون کی
جی لبھاتی ہوئی آتی ہے گھٹا ساون کی
گیت کوئل کے پپیہوں کی صدا مور کا شور
گنگناتی ہوئی آتی ہے گھٹا ساون کی
کیوں نہ ہم جولیاں گلزار میں جھولا جھولیں
لہلہاتی ہوئی آتی ہے گھٹا ساون کی
کوہساروں کا خیابانوں کا گلزاروں کا
منہ دھلاتی ہوئی آتی ہے گھٹا ساون کی
موج نکہت سے خدائی مہک اٹھی اخترؔ
پھول اڑاتی ہوئی آتی ہے گھٹا ساون کی
Saawan ki Ghata
Muskurati hui aati hai ghata saawan ki
Ji lubhati hui aati hai ghata saawan ki
Geet koyal ke, papeehon ki sada, mor ka shor
Gungunati hui aati hai ghata saawan ki
Kyoon na hum joliyan gulzar mein jhoola jhoolein
Lehlahati hui aati hai ghata saawan ki
Kohsaron ka, khayabanon ka, gulzaron ka
Munh dhulati hui aati hai ghata saawan ki
Mauj-e-nikhat se khudayi mehak uthi Akhtar
Phool udati hui aati hai ghata saawan ki
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں