شملہ — اختر شیرانی
شاعر
شملہ
لوگ گرمی میں شملے جاتے ہیں
ٹھنڈے موسم کا لطف اٹھاتے ہیں
کتنی شفاف ہے فضا اس کی
کس قدر صاف ہے ہوا اس کی
اودی اودی گھٹائیں چھاتی ہیں
ٹھنڈی ٹھنڈی ہوائیں آتی ہیں
ابھی بادل ہیں اور ابھی ہے دھوپ
دیکھو قدرت کے یہ انوکھے روپ
گر صفائی کے حال کو دیکھیں
آپ شملے کی مال کو دیکھیں
کتنی ستھری ہے ہر دکان یہاں
کتنا اچھا ہے ہر مکان یہاں
ہوٹلوں کی نفاستیں دیکھو
کوٹھیوں کی عمارتیں دیکھو
سبزہ وادی میں لہلہاتا ہے
پھرنے والوں کا جی لبھاتا ہے
اونچے پیڑوں کی ہے بہار یہاں
ہیں کھڑے چیل دیودار یہاں
ہیں بلندی پہ ہر مکان سے یہ
بات کرتے ہیں آسمان سے یہ
بادل اتنے قریب ہوتے ہیں
پیار سے منہ زمیں کا دھوتے ہیں
راستہ گر کہیں سے پاتے ہیں
بند کمروں میں بھی گھس آتے ہیں
یوں تو ہر منظر اس کا پیارا ہے
رات کا اور ہی نظارہ ہے
جب ہوں بجلی کے قمقمے روشن
دیکھو اس وقت شملے کا جوبن
قمقمے کیا ہیں کچھ ستارے ہیں
آسماں نے یہاں اتارے ہیں
شعلے سے اڑتے ہیں فضاؤں میں
شمعیں آوارہ ہیں ہواؤں میں
Shimla
Log garmi mein Shimle jaate hain
Thande mausam ka lutf uthate hain
Kitni shaffaf hai fiza is ki
Kis qadar saaf hai hawa is ki
Audi audi ghatayen chhati hain
Thandi thandi hawayen aati hain
Abhi baadal hain aur abhi hai dhoop
Dekho qudrat ke yeh anokhe roop
Gar safai ke haal ko dekhein
Aap Shimle ki Mall ko dekhein
Kitni suthri hai har dukaan yahan
Kitna achha hai har makaan yahan
Hotlon ki nifasatain dekho
Kothiyon ki imaratain dekho
Sabza waadi mein lehlahata hai
Phirne walon ka ji lubhata hai
Oonche pedon ki hai bahar yahan
Hain khade cheel devdaar yahan
Hain bulandi pe har makaan se yeh
Baat karte hain aasman se yeh
Baadal itne qareeb hote hain
Pyar se munh zameen ka dhote hain
Rasta gar kahin se paate hain
Band kamron mein bhi ghus aate hain
Yun to har manzar is ka pyara hai
Raat ka aur hi nazaara hai
Jab hon bijli ke qumqame roshan
Dekho is waqt Shimle ka joban
Qumqume kya hain kuchh sitare hain
Aasman ne yahan utaare hain
Shole se udte hain fazaaon mein
Sham'ein aawara hain hawaon mein
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں