سورج کی کرنوں کا گیت — اختر شیرانی
شاعر
سورج کی کرنوں کا گیت
سنہری سورج نے آسماں پر
کہا کہ کیا بھیجوں میں زمیں کو
یہ راگ تھا کرنوں کی زباں پر
زمیں پہ جانے دو تم ہمیں کو
ترس گیا دھوپ کو زمانہ
ہیں کب سے چھائی ہوئی گھٹائیں
جو آج کر دو ہمیں روانہ
زمین پر نور جا بچھائیں
گھٹا کے پردوں کو چاک کر دیں
زمین پر روشنی لٹائیں
چمن کو کیچڑ سے پاک کر دیں
درختوں سے کھیلیں اور کھلائیں
یہ گیت گاتی ہوئی جہاں میں
چھما چھم آئیں سنہری کرنیں
ہر ایک گھر میں ہر اک مکاں میں
مچل کے چھائیں سنہری کرنیں
جو بچے اس وقت سو رہے ہیں
یہ ان کے بستر پہ جھومتی ہیں
وہ چپ ہیں بے ہوش ہو رہے ہیں
یہ ان کی آنکھوں کو چومتی ہیں
یہ ان کے گالوں پہ گرتی ہیں
تو گال ہو جاتے ہیں سنہری
یہ ان کے بالوں پہ گرتی ہیں جب
تو بال ہو جاتے ہیں سنہری
رسیلی لے میں سنا رہی ہیں
کہ اٹھو جاگ اٹھو پیارے بچو
ہوائیں بھی گیت گا رہی ہیں
کہ آؤ اب کھیلو پیارے بچو
بس اٹھ کھڑے ہو ہماری خاطر
یہ سوچو آئے ہیں ہم کہاں سے
اور اس پہ دیکھو تمہاری خاطر
یہ تحفہ لائے ہیں آسماں سے
یہ تحفہ تم جانتے ہو کیا ہے
سنہری سورج کی روشنی ہے
وہ دیکھو سورج چمک رہا ہے
شفق کی وادی لہک رہی ہے
Suraj Ki Kirnon Ka Geet
Sunhari suraj ne aasman par
Kaha ke kya bhejoon mein zameen ko
Yeh raag tha kirnon ki zaban par
Zameen pe jaane do tum hamein ko
Taras gaya dhoop ko zamana
Hain kab se chhai hui ghataain
Jo aaj kar do hamein rawana
Zameen par noor ja bichhaain
Ghata ke pardon ko chak kar dein
Zameen par roshni lutaain
Chaman ko kichad se pak kar dein
Darakhton se khelein aur khilaain
Yeh geet gaati hui jahan mein
Chhama chham aayeen sunhari kirnain
Har ek ghar mein har ek makan mein
Machal ke chhaayeen sunhari kirnain
Jo bachche is waqt so rahe hain
Yeh un ke bistar pe jhoomti hain
Woh chup hain be hosh ho rahe hain
Yeh un ki aankhon ko choomti hain
Yeh un ke galon pe girti hain
To gaal ho jaate hain sunhari
Yeh un ke balon pe girti hain jab
To baal ho jaate hain sunhari
Raseeli le mein suna rahi hain
Ke utho jaag utho pyare bachcho
Hawaain bhi geet ga rahi hain
Ke aao ab khelo pyare bachcho
Bas uth khade ho hamari khatir
Yeh socho aaye hain hum kahan se
Aur is pe dekho tumhari khatir
Yeh tohfa laaye hain aasman se
Yeh tohfa tum jaante ho kya hai
Sunhari suraj ki roshni hai
Woh dekho suraj chamak raha hai
Shafaq ki wadi lehak rahi hai
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں