ان کو بلائیں اور وہ نہ آئیں تو کیا کریں — اختر شیرانی
شاعر
ان کو بلائیں اور وہ نہ آئیں تو کیا کریں
ان کو بلائیں اور وہ نہ آئیں تو کیا کریں
بے کار جائیں اپنی دعائیں تو کیا کریں
اک زہرہ وش ہے آنکھ کے پردوں میں جلوہ گر
نظروں میں آسماں نہ سمائیں تو کیا کریں
مانا کہ سب کے سامنے ملنے سے ہے حجاب
لیکن وہ خواب میں بھی نہ آئیں تو کیا کریں
ہم لاکھ قسمیں کھائیں نہ ملنے کی سب غلط
وہ دور ہی سے دل کو لبھائیں تو کیا کریں
بد قسمتوں کا یاد نہ کرنے پہ ہے یہ حال
اللہ اگر وہ یاد ہی آئیں تو کیا کریں
ناصح ہماری توبہ میں کچھ شک نہیں مگر
شانہ ہلائیں آ کے گھٹائیں تو کیا کریں
مے خانہ دور راستہ تاریک ہم مریض
منہ پھیر دیں ادھر جو ہوائیں تو کیا کریں
راتوں کے دل میں یاد بسائیں کسی کی ہم
اخترؔ حرم میں وہ نہ بلائیں تو کیا کریں
Un ko bulaayen aur woh na aayen to kya karen
Un ko bulaayen aur woh na aayen to kya karen
Be-kaar jaayen apni duayen to kya karen
Ik Zohra-wash hai aankh ke pardo mein jalwa-gar
Nazron mein aasman na samaayen to kya karen
Mana ke sab ke saamne milne se hai hijaab
Lekin woh khwab mein bhi na aayen to kya karen
Hum laakh qasmein khaayen na milne ki sab ghalat
Woh door hi se dil ko lubhaayen to kya karen
Bad-qismaton ka yaad na karne pe hai ye haal
Allah agar woh yaad hi aayen to kya karen
Naaseh hamari tauba mein kuch shak nahin magar
Shaana hilaayen aa ke ghaṭaayen to kya karen
Mai-khana door raasta tareek hum mareez
Munh pher dein idhar jo hawayen to kya karen
Raaton ke dil mein yaad basaayen kisi ki hum
Akhtar! haram mein woh na bulaayen to kya karen
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں