وعدہ اس ماہرو کے آنے کا — اختر شیرانی
شاعر
وعدہ اس ماہرو کے آنے کا
وعدہ اس ماہرو کے آنے کا
یہ نصیبہ سیاہ خانے کا
کہہ رہی ہے نگاہ دز دیدہ
رخ بدلنے کو ہے زمانے کا
ذرے ذرے میں بے حجاب ہیں وہ
جن کو دعوی ہے منہ چھپانے کا
حاصل عمر ہے شباب مگر
اک یہی وقت ہے گنوانے کا
چاندنی خامشی اور آخر شب
آ کہ ہے وقت دل لگانے کا
ہے قیامت ترے شباب کا رنگ
رنگ بدلے گا پھر زمانے کا
تیری آنکھوں کی ہو نہ ہو تقصیر
نام رسوا شراب خانے کا
رہ گئے بن کے ہم سراپا غم
یہ نتیجہ ہے دل لگانے کا
جس کا ہر لفظ ہے سراپا غم
میں ہوں عنوان اس فسانے کا
اس کی بدلی ہوئی نظر توبہ
یوں بدلتا ہے رخ زمانے کا
دیکھتے ہیں ہمیں وہ چھپ چھپ کر
پردہ رہ جائے منہ چھپانے کا
کر دیا خوگر ستم اخترؔ
ہم پہ احسان ہے زمانے کا
Waada us mah-ru ke aane ka
Waada us mah-ru ke aane ka
Yeh naseeba siyaha khaane ka
Keh rahi hai nigaah-e-duzdida
Rukh badalne ko hai zamane ka
Zarre zarre mein be-hijaab hain woh
Jin ko daawa hai munh chhupaane ka
Haasil-e-umr hai shabaab magar
Ek yehi waqt hai ganwaane ka
Chandni khamoshi aur aakhir-e-shab
Aa ke hai waqt dil lagaane ka
Hai qayamat tere shabaab ka rang
Rang badlega phir zamane ka
Teri aankhon ki ho na ho taqseer
Naam ruswa sharaab khaane ka
Reh gaye ban ke hum sarapa gham
Yeh natija hai dil lagaane ka
Jis ka har lafz hai sarapa gham
Main hoon unwaan is fasaane ka
Us ki badli hui nazar tauba
Yun badalta hai rukh zamane ka
Dekhte hain hamein woh chhup chhup kar
Parda reh jaaye munh chhupaane ka
Kar diya khoogar-e-sitam 'Akhtar'
Hum pe ehsaan hai zamane ka
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں