یاد آؤ مجھے للہ نہ تم یاد کرو — اختر شیرانی
شاعر
یاد آؤ مجھے للہ نہ تم یاد کرو
یاد آؤ مجھے للہ نہ تم یاد کرو
اپنی اور میری جوانی کو نہ برباد کرو
شرم رونے بھی نہ دے بیکلی سونے بھی نہ دے
اس طرح تو مری راتوں کو نہ برباد کرو
حد ہے پینے کی کہ خود پیر مغاں کہتا ہے
اس بری طرح جوانی کو نہ برباد کرو
یاد آتے ہو بہت دل سے بھلانے والو
تم ہمیں یاد کرو تم ہمیں کیوں یاد کرو
آسماں رتبہ محل اپنے بنانے والو
دل کا اجڑا ہوا گھر بھی کوئی آباد کرو
ہم کبھی آئیں ترے گھر مگر آئیں گے ضرور
تم نے یہ وعدہ کیا تھا کہ نہیں یاد کرو
چاندنی رات میں گل گشت کو جب جاتے تھے
آہ عذرا کبھی اس وقت کو بھی یاد کرو
میں بھی شائستۂ الطاف ستم ہوں شاید
میرے ہوتے ہوئے کیوں غیر پہ بیداد کرو
صدقے اس شوخ کے اخترؔ یہ لکھا ہے جس نے
عشق میں اپنی جوانی کو نہ برباد کرو
Yaad aao mujhe lillah na tum yaad karo
Yaad aao mujhe lillah na tum yaad karo
Apni aur meri jawani ko na barbaad karo
Sharm rone bhi na de bekali sone bhi na de
Is tarah to meri raaton ko na barbaad karo
Had hai peene ki ke khud peer-e-mughan kehta hai
Is buri tarah jawani ko na barbaad karo
Yaad aate ho bahut dil se bhulane walo
Tum hamein yaad karo tum hamein kyun yaad karo
Aasmaan rutba mahal apne banane walo
Dil ka ujRa hua ghar bhi koi aabaad karo
Hum kabhi aayen tere ghar magar aayenge zaroor
Tum ne yeh waada kiya tha ke nahin yaad karo
Chandni raat mein gul gasht ko jab jaate the
Aah Azra kabhi us waqt ko bhi yaad karo
Main bhi shaista-e-altaaf-e-sitam hoon shayad
Mere hote hue kyun ghair pe bedaad karo
Sadqe us shokh ke 'Akhtar' yeh likha hai jis ne
Ishq mein apni jawani ko na barbaad karo
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں