یارو کوئے یار کی باتیں کریں — اختر شیرانی
شاعر
یارو کوئے یار کی باتیں کریں
یارو کوئے یار کی باتیں کریں
پھر گل و گلزار کی باتیں کریں
چاندنی میں اے دل اک اک پھول سے
اپنے گل رخسار کی باتیں کریں
آنکھوں آنکھوں میں لٹائے مے کدے
دیدۂ سرشار کی باتیں کریں
اب تو ملیے بس لڑائی ہو چکی
اب تو چلئے پیار کی باتیں کریں
پھر مہک اٹھے فضائے زندگی
پھر گل و رخسار کی باتیں کریں
محشر انوار کر دیں بزم کو
جلوۂ دیدار کی باتیں کریں
اپنی آنکھوں سے بہائیں سیل اشک
ابر گوہربار کی باتیں کریں
ان کو الفت ہی سہی اغیار سے
ہم سے کیوں اغیار کی باتیں کریں
اخترؔ اس رنگیں ادا سے رات بھر
طالع بیدار کی باتیں کریں
Yaaro koo-e-yaar ki baaten karen
Yaaro koo-e-yaar ki baaten karein
Phir gul o gulzar ki baaten karein
Chandni mein aye dil ek ek phool se
Apne gul-rukhsar ki baaten karein
Aankhon aankhon mein lutaye mai-kade
Deeda-e-sarshar ki baaten karein
Ab to miliye bas ladayi ho chuki
Ab to chaliye pyar ki baaten karein
Phir mehak uthe faza-e-zindagi
Phir gul o rukhsar ki baaten karein
Mahshar-e-anwaar kar den bazm ko
Jalwa-e-deedar ki baaten karein
Apni aankhon se bahayen sail-e-ashk
Abr-e-gauharbaar ki baaten karein
In ko ulfat hi sahi aghyar se
Hum se kyun aghyar ki baaten karein
'Akhtar' is rangeen adaa se raat bhar
Taale-e-bedar ki baaten karein
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں