یقین وعدہ نہیں تاب انتظار نہیں — اختر شیرانی
شاعر
یقین وعدہ نہیں تاب انتظار نہیں
یقین وعدہ نہیں تاب انتظار نہیں
کسی طرح بھی دل زار کو قرار نہیں
شبوں کو خواب نہیں خواب کو قرار نہیں
کہ زیب دوش وہ گیسوئے مشکبار نہیں
کلی کلی میں سمائی ہے نکہت سلمیٰ
شمیم حور ہے یہ بوئے نو بہار نہیں
کہاں کہاں نہ ہوئے ماہ رو جدا مجھ سے
کہاں کہاں مری امید کا مزار نہیں
غموں کی فصل ہمیشہ رہی تر و تازہ
یہ وہ خزاں ہے کہ شرمندۂ بہار نہیں
بہار آئی ہے ایسے میں تم بھی آ جاؤ
کہ زندگی کا برنگ گل اعتبار نہیں
کسی کی زلف پریشاں کا سایۂ رقصاں ہے
فضا میں بال فشاں ابر نو بہار نہیں
ستارہ وار وہ پہلو میں آ گئے شب کو
سحر سے کہہ دو کہ محفل میں آج بار نہیں
گل فسردہ بھی اک طرفہ حسن رکھتا ہے
خزاں یہ ہے تو مجھے حسرت بہار نہیں
ہر ایک جام پہ یہ نغمۂ حزیں ساقی
کہ اس جوانی فانی کا اعتبار نہیں
خدا نے بخش دیئے میرے دل کو غم اتنے
کہ اب میں اپنے گناہوں پہ شرمسار نہیں
چمن کی چاندنی راتیں ہیں کس قدر ویراں
کہ اس بہار میں وہ ماہ نو بہار نہیں
شریک سوز ہیں پروانے شمع کے اخترؔ
ہمارے دل کا مگر کوئی غم گسار نہیں
Yaqeen-e-waada nahin taab-e-intezar nahin
Yaqeen-e-waada nahin taab-e-intezar nahin
Kisi tarah bhi dil-e-zaar ko qaraar nahin
Shabon ko khwaab nahin khwaab ko qaraar nahin
Ke zeb-e-dosh woh gesu-e-mushkbaar nahin
Kali kali mein samai hai nikhat-e-Salma
Shamim-e-hoor hai yeh boo-e-nau-bahar nahin
Kahan kahan na hue mah-ru juda mujh se
Kahan kahan meri umeed ka mazaar nahin
Ghamon ki fasl hamesha rahi tar-o-taaza
Yeh woh khizaan hai ke sharminda-e-bahar nahin
Bahar aayi hai aise mein tum bhi aa jao
Ke zindagi ka ba-rang-e-gul aitbaar nahin
Kisi ki zulf-e-pareshan ka saaya raqsaan hai
Fiza mein baal fishan abr-e-nau-bahar nahin
Sitara waar woh pehloo mein aa gaye shab ko
Sehar se keh do ke mehfil mein aaj baar nahin
Gul-e-fasurda bhi ik tarfa husn rakhta hai
Khizaan yeh hai to mujhe hasrat-e-bahar nahin
Har ek jaam pe yeh naghma-e-hazin Saqi
Ke is jawani-e-faani ka aitbaar nahin
Khuda ne bakhsh diye mere dil ko gham itne
Ke ab main apne gunahon pe sharmsaar nahin
Chaman ki chandni raaten hain kis qadar veeran
Ke is bahar mein woh maah-e-nau-bahar nahin
Shareek-e-soz hain parwaane sham'a ke 'Akhtar'
Hamare dil ka magar koi ghamgusaar nahin
شاعر کے بارے میں
اختر شیرانی (اصل نام محمد دائود خان) اردو ادب کے ممتاز رومانوی شاعر تھے۔ وہ 4 مئی 1905ء کو ریاست ٹونک، برطانوی ہندوستان میں پیدا ہوئے۔ ان کا تعلق پ...
مکمل تعارف پڑھیں