آخری ملاقات — اخترالایمان
شاعر
آخری ملاقات
آؤ کہ جشن مرگ محبت منائیں ہم!
آتی نہیں کہیں سے دل زندہ کی صدا
سونے پڑے ہیں کوچہ و بازار عشق کے
ہے شمع انجمن کا نیا حسن جاں گداز
شاید نہیں رہے وہ پتنگوں کے ولولے
تازہ نہ رہ سکیں گی روایات دشت و در
وہ فتنہ سر گئے جنہیں کانٹے عزیز تھے
اب کچھ نہیں تو نیند سے آنکھیں جلائیں ہم
آؤ کہ جشن مرگ محبت منائیں ہم!
سوچا نہ تھا کہ آئے گا یہ دن بھی پھر کبھی
اک بار پھر ملے ہیں، ذرا مسکرا تو لیں!
کیا جانے اب نہ الفت دیرینہ یاد آئے
اس حسن اختیار پہ آنکھیں جھکا تو لیں
برسا لبوں سے پھول تری عمر ہو دراز
سنبھلے ہوئے تو ہیں پہ ذرا ڈگمگا تو لیں
اور اپنا اپنا عہد وفا بھول جائیں ہم
آؤ کہ جشن مرگ محبت منائیں ہم!
برسوں کی بات ہے کہ مرے جی میں آئی تھی
میں سوچتا تھا تجھ سے کہوں، چھوڑ کیا کہوں
اب کون ان شکستہ مزاروں کی بات لائے
ماضی پہ اپنے حال کو ترجیح کیوں نہ دوں
ماتم خزاں کا ہو کہ بہاروں کا، ایک ہے
شاید نہ پھر ملے تری آنکھوں کا یہ فسوں
جو شمع انتظار جلی تھی بجھائیں ہم
آؤ کہ جشن مرگ محبت منائیں ہم!
Aakhri Mulaqaat
Aao ke jashn-e-marg-e-mohabbat manaaen hum!
Aati nahin kahin se dil-e-zinda ki sada
Soone pade hain koocha-o-bazaar-e-ishq ke
Hai shama-e-anjuman ka naya husn-e-jaan-gudaz
Shayad nahin rahe wo patangon ke walwale
Taza na reh sakengi riwayaat-e-dasht-o-dar
Wo fitna sar gaye jinhein kaante aziz the
Ab kuch nahin to neend se aankhein jalaayen hum
Aao ke jashn-e-marg-e-mohabbat manaaen hum!
Socha na tha ke aayega yeh din bhi phir kabhi
Ek baar phir mile hain, zara muskura to lein!
Kya jaane ab na ulfat-e-dareena yaad aaye
Is husn-e-ikhtiyar pe aankhein jhuka to lein
Barsa labon se phool teri umar ho daraaz
Sambhale hue to hain pe zara dagmagga to lein
Aur apna apna ehd-e-wafa bhool jaayen hum
Aao ke jashn-e-marg-e-mohabbat manaaen hum!
Barson ki baat hai ke mere ji mein aayi thi
Main sochta tha tujh se kahoon, chhod kya kahoon
Ab kaun un shikasta mazaron ki baat laaye
Maazi pe apne haal ko tarjeeh kyun na doon
Maatam khizan ka ho ke baharon ka, ek hai
Shayad na phir mile teri aankhon ka yeh fasoon
Jo shama-e-intezar jali thi bujhaayen hum
Aao ke jashn-e-marg-e-mohabbat manaaen hum!
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں