آمادگی — اخترالایمان
شاعر
آمادگی
ایک اک اینٹ گری پڑی ہے
سب دیواریں کانپ رہی ہیں
ان تھک کوششیں معماروں کی
سر کو تھامے ہانپ رہی ہیں
موٹے موٹے شہتیروں کا
ریشہ ریشہ چھوٹ گیا ہے
بھاری بھاری جامد پتھر
ایک اک کر کے ٹوٹ گیا ہے
لوہے کی زنجیریں گل کر
اب ہمت ہی چھوڑ چکی ہیں
حلقہ حلقہ چھوٹ گیا ہے
بندش بندش توڑ چکی ہیں
چونے کی اک پتلی سی تہ
گرتے گرتے بیٹھ گئی ہے
نبضیں چھوٹ گئیں مٹی کی
مٹی سے سر جوڑ رہی ہے
سب کچھ ڈھیر ہے اب مٹی کا
تصویریں وہ دل کش نقشے
پہچانو تو رو دو گی تم
گھر میں ہوں باہر ہوں گھر سے
اب آؤ تو رکھا کیا ہے
چشمے سارے سوکھ گئے ہیں
یوں چاہو تو آ سکتی ہو
میں نے آنسو پونچھ لیے ہیں
Aamadagi
Ek ik eeñṭ giri padi hai
Sab deewaren kaanp rahi hain
Un thak koshishein me'maaron ki
Sar ko thame haanp rahi hain
Mote mote shahteeron ka
Resha resha chhoot gaya hai
Bhaari bhaari jaamid patthar
Ek ik kar ke toot gaya hai
Lohe ki zanjeerein gal kar
Ab himmat hi chhod chuki hain
Halqa halqa chhoot gaya hai
Bandish bandish tod chuki hain
Chune ki ik patli si teh
Girte girte baith gayi hai
Nabzein chhoot gayin miṭṭi ki
Miṭṭi se sar jod rahi hai
Sab kuch dher hai ab miṭṭi ka
Tasveerein woh dilkash naqshe
Pehchano toh ro dogi tum
Ghar mein hoon, bahar hoon ghar se
Ab aao toh rakha kya hai
Chashme saare sookh gaye hain
Yun chaho toh aa sakti ho
Maine aansu poonchh liye hain
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں