بنت لمحات — اخترالایمان
شاعر
بنت لمحات
تمہارے لہجے میں جو گرمی و حلاوت ہے
اسے بھلا سا کوئی نام دو وفا کی جگہ
غنیم نور کا حملہ کہو اندھیروں پر
دیار درد میں آمد کہو مسیحا کی
رواں دواں ہوئے خوشبو کے قافلے ہر سو
خلائے صبح میں گونجی سحر کی شہنائی
یہ ایک کہرا سا، یہ دھند سی جو چھائی ہے
اس التہاب میں، اس سرمگیں اجالے میں
سوا تمہارے مجھے کچھ نظر نہیں آتا
حیات نام ہے یادوں کا، تلخ اور شیریں
بھلا کسی نے کبھی رنگ و بو کو پکڑا ہے
شفق کو قید میں رکھا صبا کو بند کیا
ہر ایک لمحہ گریزاں ہے، جیسے دشمن ہے
نہ تم ملو گی نہ میں، ہم بھی دونوں لمحے ہیں
وہ لمحے جا کے جو واپس کبھی نہیں آتے!
Bint-e-Lamhaat
Tumhare lehje mein jo garmi-o-halawat hai
Use bhala sa koi naam do wafa ki jagah
Ghameem-e-noor ka hamla kaho andheron par
Dayar-e-dard mein aamad kaho maseeha ki
Rawaan dawan hue khushboo ke qaafle har soo
Khala-e-subh mein goonji sahar ki shehnai
Yeh ek kohra sa, yeh dhund si jo chhai hai
Is iltehaab mein, is surmagin ujale mein
Sawa tumhare mujhe kuch nazar nahin aata
Hayaat naam hai yaadon ka, talkh aur shireen
Bhala kisi ne kabhi rang-o-boo ko pakda hai
Shafaq ko qaid mein rakha saba ko band kiya
Har ek lamha gurezaan hai, jaise dushman hai
Na tum milo gi na main, hum bhi donon lamhe hain
Wo lamhe ja ke jo wapas kabhi nahin aate!
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں