ایک احساس — اخترالایمان
شاعر
ایک احساس
غنودگی سی رہی طاری عمر بھر ہم پر
یہ آرزو ہی رہی تھوڑی دیر سو لیتے
خلش ملی ہے مجھے اور کچھ نہیں اب تک
ترے خیال سے اے کاش درد دھو لیتے
مرے عزیزو مرے دوستو گواہ رہو
برہ کی رات کٹی آمد سحر نہ ہوئی
شکستہ پا ہی سہی ہم سفر رہا پھر بھی
امید ٹوٹی کئی بار منتشر نہ ہوئی
ہیولیٰ کیسے بدلتا ہے وقت حیراں ہوں
فریب اور نہ کھائے نگاہ ڈرتا ہوں
یہ زندگی بھی کوئی زندگی ہے پل پل میں
ہزار بار سنبھلتا ہوں اور مرتا ہوں
وہ لوگ جن کو مسافر نواز کہتے تھے
کہاں گئے کہ یہاں اجنبی ہیں ساتھی بھی
وہ سایہ دار شجر جو سنا تھا راہ میں ہیں
سب آندھیوں نے گرا ڈالے اب کہاں جائیں
یہ بوجھ اور نہیں اٹھتا کچھ سبیل کرو
چلو ہنسیں گے کہیں بیٹھ کر زمانے پر
Ek Ehsaas
Ghnoodgi si rahi taari umar bhar hum par
Yeh aarzoo hi rahi thodi der so lete
Khalish mili hai mujhe aur kuch nahi ab tak
Tere khayal se aye kaash dard dho lete
Mere azeezon mere doston gawah raho
Birah ki raat kati aamad-e-sehar na hui
Shikasta pa hi sahi hum safar raha phir bhi
Umeed tooti kayi baar muntashir na hui
Hayoola kaise badalta hai waqt hairan hoon
Fareb aur na khaaye nigah darta hoon
Yeh zindagi bhi koi zindagi hai pal pal mein
Hazaar baar sambhalta hoon aur marta hoon
Woh log jin ko musafir nawaz kehte thhe
Kahan gaye ke yahan ajnabi hain saathi bhi
Woh saaya-daar shajar jo suna tha raah mein hain
Sab aandhiyon ne gira daale ab kahan jaen
Yeh bojh aur nahi uthta kuch sabeel karo
Chalo hansenge kahin baith kar zamane par
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں