اعتماد — اخترالایمان
شاعر
اعتماد
بولی خود سر ہوا ایک ذرہ ہے تو
یوں اڑا دوں گی میں، موج دریا بڑھی
بولی میرے لیے ایک تنکا ہے تو
یوں بہا دوں گی میں، آتش تند کی
اک لپٹ نے کہا میں جلا ڈالوں گی
اور زمیں نے کہا میں نگل جاؤں گی
میں نے چہرے سے اپنے الٹ دی نقاب
اور ہنس کر کہا، میں سلیمان ہوں
ابن آدم ہوں میں یعنی انسان ہوں
E'temad
Boli khud-sar hawa, ek zarra hai tu
Yun uda doongi main, mauj-e-darya badhi
Boli mere liye ek tinka hai tu
Yun baha doongi main, aatish-e-tund ki
Ek lipat ne kaha main jala dalungi
Aur zameen ne kaha main nigal jaungi
Maine chehre se apne ulat di naqaab
Aur hans kar kaha, main Sulaiman hoon
Ibn-e-Aadam hoon main, ya'ani insaan hoon
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں