اعتماد — اخترالایمان
شاعر
اعتماد
بولی خود سر ہوا ایک ذرہ ہے تو
یوں اڑا دوں گی میں، موج دریا بڑھی
بولی میرے لیے ایک تنکا ہے تو
یوں بہا دوں گی میں، آتش تند کی
اک لپٹ نے کہا میں جلا ڈالوں گی
اور زمیں نے کہا میں نگل جاؤں گی
میں نے چہرے سے اپنے الٹ دی نقاب
اور ہنس کر کہا، میں سلیمان ہوں
ابن آدم ہوں میں یعنی انسان ہوں
E'timaad
Boli khud-sar hawa, ek zarra hai tu
Yoon uda doongi main, mauj-e-darya badhi
Boli mere liye ek tinka hai tu
Yoon baha doongi main, aatish-e-tund ki
Ik lapatt ne kaha main jala daaloongi
Aur zameen ne kaha main nigal jaaoongi
Main ne chehre se apne ulat di naqaab
Aur hans kar kaha, main Sulaimaan hoon
Ibn-e-Adam hoon main ya'ni insaan hoon
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں