کل کی بات — اخترالایمان
شاعر
کل کی بات
ایسے ہی بیٹھے ادھر بھیا تھے دائیں جانب
ان کے نزدیک بڑی آپا شبانہ کو لیے
اپنی سسرال کے کچھ قصے لطیفے باتیں
یوں سناتی تھیں ہنسے پڑتے تھے سب
سامنے اماں وہیں کھولے پٹاری اپنی
منہ بھرے پان سے سمدھن کی انہیں باتوں پر
جھنجھلاتی تھیں کبھی طنز سے کچھ کہتی تھیں
ہم کو گھیرے ہوئے بیٹھی تھیں نعیمہ شہناز
وقفہ وقفہ سے کبھی دونوں میں چشمک ہوتی
حسب معمول سنبھالے ہوئے خانہ داری
منجھلی آپا کبھی آتی کبھی جاتی تھیں
ہم سے دور ابا اسی کمرے کے اک کونے میں
کاغذات اپنے اراضی کے لیے بیٹھے تھے
یک بیک شور ہوا ملک نیا ملک بنا
اور اک آن میں محفل ہوئی درہم برہم
آنکھ جو کھولی تو دیکھا کہ زمیں لال ہے سب
تقویت ذہن نے دی ٹھہرو نہیں خون نہیں
پان کی پیک ہے یہ اماں نے تھوکی ہوگی
Kal ki Baat
Aise hi baithe idhar bhaiya thhe dayen jaanib
Un ke nazdeek badi aapa Shabana ko liye
Apni susral ke kuch qisse lateefe baatein
Yoon sunati thin hanse padte thhe sab
Saamne Amma wahin khole pitaari apni
Munh bhare paan se samdhan ki unhen baaton par
Jhanjhalati thin kabhi tanz se kuch kehti thin
Hum ko ghere hue baithi thin Naeema Shehnaz
Waqfa waqfa se kabhi donon mein chashmak hoti
Hasb-e-mamool sambhale hue khana-dari
Manjhli aapa kabhi aati kabhi kabhi jaati thin
Hum se door Abba isi kamre ke ek kone mein
Kaghazat apne araazi ke liye baithe thhe
Yak bayak shor hua mulk naya mulk bana
Aur ek aan mein mehfil hui darham barham
Aankh jo kholi to dekha ke zameen laal hai sab
Taqwiyat zehn ne di thehro nahi khoon nahi
Paan ki peek hai yeh Amma ne thooki hogi
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں