کاوش — اخترالایمان
شاعر
کاوش
نیا دن روز مجھ کو کتنا پیچھے پھینک دیتا ہے
یہ آج اندازہ ہوتا ہے کہ میں آہستہ آہستہ
ہزاروں میل کی دوری پہ تم سے آ گیا اور اب
دنوں سالوں مہینوں کو اکٹھا کر کے گم گشتہ
دیار ہو میں بیٹھا ہوں نہ کچھ آگے نہ کچھ پیچھے
سوا کچھ وسوسوں کے کچھ خساروں کے کمر بستہ
کہیں چلنے کو آگے جس کا واضح کچھ تصور ہی نہیں کوئی
ہمارے سب مسائل جن کا ہم پر بوجھ ہے اتنا
ہماری کشت بے مایہ ہیں اس صحرا میں کیا بویا
بگولوں کے سوا کچھ گرم جھونکوں کے سوا ہم نے
چلو اک تیز دھارے میں کہیں پر ڈال دیں کشتی
لطافت ٹھنڈے پانی کی کریں محسوس کچھ تھوڑا بکھر جائیں
ہنسیں بے وجہ یوں ہی غل مچائیں بے سبب دوڑیں
اڑیں ان بادلوں کے پیچھے اور میلوں نکل جائیں
Kawish
Naya din roz mujh ko kitna peeche phenk deta hai
Yeh aaj andaaza hota hai ke main aahista aahista
Hazaron meel ki doori pe tum se aa gaya aur ab
Dinon, saalon, maheenon ko ikattha kar ke gum gushta
Diyar ho main baitha hoon na kuch aage na kuch peeche
Siwa kuch waswason ke, kuch khisaaron ke, kamar basta
Kahin chalne ko aage jis ka wazeh kuch tasawwur hi nahin koi
Hamare sab masaail jin ka hum par bojh hai itna
Hamari kasht-e-be-maaya hain is sehra mein kya boya
Bagulon ke siwa, kuch garam jhonkon ke siwa hum ne
Chalo ek tez dhaare mein kahin par daal dein kashti
Lataafat thande paani ki karein mehsoos, kuch thoda bikhar jaayen
Hansein be-wajah yoon hi, ghul machaayen be-sabab dauden
Uden in baadlon ke peeche aur meelon nikal jaayen
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں