لغزش — اخترالایمان
شاعر
لغزش
جھلملا کر بجھ گئے پاگل امیدوں کے دیے
تو سمجھتی ہے کہ میں ہوں آج تک اندوہگیں
وقت کے ہاتھوں نے آخر مندمل کر ہی دیا
اب مرے معصوم زخموں سے لہو بہتا نہیں
جب حنائی انگلیوں کی جنبشیں آتی ہیں یاد
جذب کر لیتا ہوں آنکھوں کی جنبشیں آتی ہیں یاد
اب مگر ماضی کی ہر شے پر اندھیرا چھا گیا
اور ہی راہوں سے گزرتی جا رہی ہے زندگی
ذہن میں ابھرے ہوئے ہیں چند بے جا سے نقوش
اور ان میں بھی نہیں ہے کوئی ربط باہمی
خواب دیکھا تھا کسی دامن کی چھاؤں میں کبھی
ایک ایسا خواب جس کا مدعا کوئی نہیں
میں اکیلا جا رہا ہوں اور زمیں ہے سنگلاخ
اجنبی وادی میں میرا آشنا کوئی نہیں
راستے کٹتے ہوئے گم ہو گئے ہیں دھند میں
دھند سے آگے خلا ہے راستہ کوئی نہیں
یہ بھیانک خواب کیوں مغلوب کرتے ہیں مجھے
دودھیا راتیں سحر کے جھٹپٹے میں کھو گئیں
اور تیری نرم باہیں مجھ سے اب ناآشنا
اور ہی گردن کے حلقے میں لپٹ کر سو گئیں
مسکرا اٹھتا ہوں اپنی سادگی پر میں کبھی
کس قدر تیزی سے یہ باتیں پرانی ہو گئیں
Laghzish
Jhilmila kar bujh gaye paagal ummeedon ke diye
Tu samajhti hai ke main hoon aaj tak andohgeen
Waqt ke haathon ne aakhir mundamil kar hi diya
Ab mere masoom zakhmon se lahu behta nahin
Jab hinayi ungliyon ki jumbishain aati hain yaad
Jazb kar leta hoon aankhon ki jumbishain aati hain yaad
Ab magar maazi ki har shai par andhera chha gaya
Aur hi raahon se guzarti ja rahi hai zindagi
Zehan mein ubhre hue hain chand be-ja se naqoosh
Aur un mein bhi nahin hai koi rabt-e-baahami
Khwaab dekha tha kisi daaman ki chhaaon mein kabhi
Ek aisa khwaab jis ka muddaa koi nahin
Main akela ja raha hoon aur zameen hai sanglaakh
Ajnabi waadi mein mera aashna koi nahin
Raaste kat-te hue gum ho gaye hain dhund mein
Dhund se aage khala hai raasta koi nahin
Yeh bhayanak khwaab kyun maghloob karte hain mujhe
Doodhiya raatein sahar ke jhatpate mein kho gayin
Aur teri narm baahain mujh se ab na-aashna
Aur hi gardan ke halqe mein lapat kar so gayin
Muskura uthta hoon apni saadgi par main kabhi
Kis qadar tezi se yeh baatein purani ho gayin
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں