لوگو اے لوگو — اخترالایمان
شاعر
لوگو اے لوگو
مری انتہائے محبت مسرت سوا اس کے کیا اور ہوگی
بجائے کوئی مسند عالیہ تخت طاؤس و زر مانگنے کے
بجائے کوئی سر برآوردہ پتھر صفت شخصیت چاہنے کے
تمہاری معیت رفاقت تگ و دو کا انداز مانگوں
یہ جم غفیر ایک سیل رواں زندگی کا جولا سے نکل کر
اسی لا میں پھر ڈوب جاتا ہے یہ ریت ہے یوں ہی جاری
سمندر جو پھیلا ہے ہر چار جانب افق سے افق تک
سمندر جو ہے آئینہ دار ہستی جہاد مسلسل کشاکش
سمندر جو سفاک ہے اور طوفاں سے لبریز ہے پرجنوں ہے
سمندر جو بے باک ہے جنم داتا ہے اور موت کا نغمۂ سرمدی ہے
یہ سیل رواں یوں ہی بہتا رہا ہے اسی سیل میں ڈوب جاؤں
میں جو ایک قطرہ ہوں گہرائی گیرائی کا حجم کا اس کے بن جاؤں حصہ
مجھے کوئی مکتی نہیں چاہیے کوئی نروان کی آرزو کوئی خواہش نہیں اب
کوئی سلسبیل اور کوثر نجات و جزا پر سکوں کوئی لمحہ
نہیں صرف امواج کی شورش رائیگاں چاہیے یہ اگر رائیگاں ہے
Logo Aye Logo
Meri inteha-e-mohabbat masarrat siwa is ke kya aur hogi
Bajaye koi masnad-e-aaliya takht-e-taaoos o zar maangne ke
Bajaye koi sar-bar-aawurdah patthar sifat shakhsiyat chahne ke
Tumhari mayyat rafaaqat tag-o-dau ka andaaz maangun
Yeh jum-e-ghafeer ek sail-e-rawa'n zindagi ka jola se nikal kar
Isi la mein phir doob jata hai yeh reet hai yoon hi jaari
Samandar jo phaila hai har chaar jaanib ufuq se ufuq tak
Samandar jo hai aaina-daar-e-hasti jihad-e-musalsal kashmakash
Samandar jo saffak hai aur toofan se labrez hai pur junoon hai
Samandar jo be-baak hai janam daata hai aur maut ka naghma-e-sarmadi hai
Yeh sail-e-rawa'n yoon hi behta raha hai isi sail mein doob jaaun
Main jo ek qatra hoon gehraai geerai ka hajam ka us ke ban jaaun hissa
Mujhe koi mukti nahin chahiye koi nirwaan ki aarzoo koi khwahish nahin ab
Koi Salsabeel aur Kausar nijaat o jaza par sukoon koi lamha
Nahin sirf amwaaj ki shorish raayegaan chahiye yeh agar raayegaan hai
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں