متاع رائیگاں — اخترالایمان
شاعر
متاع رائیگاں
یہ درد زندگی کس کی امانت ہے کسے دے دوں
کوئی وارث نہیں اس کا متاع رائیگاں ہے یہ
مسیحا اب نہ آئیں گے یہی نشتر رگ جاں میں
خلش بنتا رہے گا میری سانسوں میں نہاں ہے یہ
خدایا ہم سے پہلے لوگ بھی جو اس زمیں پر تھے
یونہی پامال ہوتے تھے، جو اس کے بعد آئیں گے
امید صبح کے خنجر سے زخمی ہو کے جائیں گے؟
(کہاں جا کر رکے گا قافلہ ان سوگواروں کا)
یہ پھر بھی تیرے بندے ہیں تری ہی حمد گائیں گے
انہیں آنکھیں تو دے دی ہیں بصارت بھی انہیں دے دے
تجھے سب ڈھونڈتے ہیں اس طرح اندھے ہیں سب جیسے
اسی کورے ورق پر کچھ عبارت بھی انہیں دے دے
کھڑا ہے منہ کیے مشرق کی جانب، کوئی مغرب کی
مری تصویر میں ان چیختے رنگوں کی ایسی کیا ضرورت تھی)
خدایا بخش دے ان بے گناہوں کے گناہوں کو
یہ معنی ڈھونڈتے ہیں کشمکش میں رات اور دن کی
حقیقت کو سمجھنا چاہتے ہیں سال اور سن کی
یہ سب مجبور ہیں ان پر در توبہ کھلا رکھنا
یہ دنیا خوف اور لالچ پہ جس کی نیو رکھی ہے
اسی مٹی سے پھوٹے ہیں اسی دھرتی کے پالے ہیں
اجالا بھی یہی ہیں اس زمیں کا اور اندھیرا بھی
یہی شہکار ہیں تیرا یہی پاؤں کے چھالے ہیں
(یہ سب کے سب لباس فاخرہ میں میلی بھیڑیں ہیں)
الہ العالمیں ان کی خطا سے در گزر کرنا
بہت معذور ہیں یہ خود نگر اپنی جبلت سے
مقدر ان کا ہے شام و سحر کو روز سر کرنا
مساعی ان کی سیم و زر کے ڈھیروں میں بدل دینا
ترے پاس آئیں، موتی کے محل محنت کا پھل دینا
Mata-e-Raaigaan
Yeh dard-e-zindagi kis ki amanat hai kise de doon
Koi waris nahin is ka mata-e-raaigaan hai yeh
Maseeha ab na aayenge yahi nashtar rag-e-jaan mein
Khalish banta rahega meri saanson mein nihaan hai yeh
Khudaya hum se pehle log bhi jo is zameen par thay
Yoonhi paamaal hote thay, jo is ke baad aayenge
Umeed-e-subh ke khanjar se zakhmi ho ke jaayenge?
(Kahan ja kar rukega qaafila in sogwaron ka)
Yeh phir bhi tere bande hain teri hi hamd gaayenge
Inhein aankhein to de di hain basarat bhi inhein de de
Tujhe sab dhoondhte hain is tarah andhe hain sab jaise
Isi koore waraq par kuch ibarat bhi inhein de de
Khada hai munh kiye mashriq ki jaanib, koi maghrib ki
(Meri tasveer mein in cheekhte rangon ki aisi kya zarurat thi)
Khudaya bakhsh de in be-gunahon ke gunahon ko
Yeh maani dhoondhte hain kashmakash mein raat aur din ki
Haqeeqat ko samajhna chahte hain saal aur sin ki
Yeh sab majboor hain in par dar-e-tauba khula rakhna
Yeh duniya khauf aur lalach pe jis ki neev rakhi hai
Isi mitti se phootay hain isi dharti ke paale hain
Ujala bhi yehi hain is zameen ka aur andhera bhi
Yehi shehkaar hain tera yehi paaon ke chhaale hain
(Yeh sab ke sab libaas-e-fakhira mein maili bheerien hain)
Ilah-ul-aalameen in ki khata se dar-guzar karna
Bahut mazoor hain yeh khud nigar apni jibillat se
Muqaddar in ka hai shaam-o-sahar ko roz sar karna
Masaai in ki seem-o-zar ke dheron mein badal dena
Tere paas aayen, moti ke mahal mehnat ka phal dena
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں